香港貴為美食之城，匯聚世界各地嘅美食佳餚，選擇又多又吸引，好似去咗個大型美食嘉年華咁開心！3月30日，一於一人一票，一齊參加呢個美食嘉年華！投票支持心水熱店後，更有機會參加*大抽獎贏取豐富獎品！
一年之中有唔少新餐廳登場，要吸引到各位潮人成為熱門話題，必定花咗唔少心機構思餐廳概念、設計菜式，甚至挑選靚景舖位。今年入圍開飯熱店新餐廳組別名單，包括日式烏冬店、夢幻感漢堡主題餐廳、無火串燒放題、朝啡夕酒Cafe、海景意式酒店餐廳等，邊間啱你心水，甚至試過令你回味嘅，記得去投佢哋一票呀：
自家製烏冬×咖啡主題 頂立
圖：突破想像界限！呢間餐廳結合日式麵店同咖啡主題，仲供應西日式手工甜點。主打嘅自家製烏冬，口感介乎太麵同烏冬之間，爽滑彈牙；而幾款湯底以魚介為基礎，分別配上雞白湯、醬油豚介等，每款湯嘅鮮味都各有特色。想試到特別味道記得跟餐廳指示，先飲啖湯再食烏冬，然後飲啖味道Nutty嘅Cold Brew，就會變出朱古力味。再配搭昭和風硬布丁燒、巴斯克蛋糕等甜點，可以滿足埋你「第二個胃」喇～
夢幻感漢堡主題店 真妮
圖：行過呢間西日式餐廳，未睇餐牌，已經畀佢色彩繽紛嘅店面吸引，因為鑲滿波波池嘅七彩波波，加上雲朵外形小燈等裝飾，將童真同夢幻感覺二合為一。主打嘅漢堡有多款口味，如西京燒、日式咖喱豬、韓式炒肉片、慢煮牛肉等。另亦供應兒童餐、明太子雞翼、炸魷魚圈等小朋友都啱食嘅款式，可以bookmark入親子餐廳list𠻹。
無火串燒放題 巴巴串 
圖：有得食又有得玩～呢間串燒放題店採用無火電爐，可以網燒帆立貝、海蝦、青口等海鮮，同時烤埋牛肉、豚肉等多款串燒。而調味料之中，孜然粉有原味、辣味同五香味，每款都用下又可以有啲分別。加埋任食自助區嘅凍蝦、焗蠔、馬卡龍等冷熱食品、甜品同飲品，好似去咗小型自助餐咁呀！
人氣玉子燒全日早餐 Cafe Addict
圖：厚身嘅玉子燒總會令人著迷，呢間cafe就用嚟做膽，製作玉子燒全日早餐！Full size嘅全日早餐有6款餸料，如果食量較細，可以揀輕量級，減去香草豬肉腸同南瓜薯餅。飲品方面以朝啡夕酒為概念，設計咗幾款咖啡雞尾酒，其中混合威士忌同咖啡嘅Irish Coffee，面頭好似奶蓋咁，有層凍嘅whip cream，風味獨特。
海景意式酒店餐廳 BluHouse
圖：holidaymood2020、Karying_karen
星光大道旁邊一間5星級酒店內，你會見到呢間休閒風意式餐廳，如果坐喺半露天或窗邊位置，可以欣賞維港海景，氣氛好chill。嚟到必試羅馬式方形薄餅，麵糰含70%水分，質感輕盈；而口味分為Pomodoro（有番茄醬）同Bianche（冇番茄醬）兩大類，加上$88起就試到，以有海景嘅酒店餐廳嚟講都幾抵。
另外入圍嘅訂座餐廳店仲包括After You Dessert Café、阿杏飯團、一汁一菜、花火漁屋及Tommy Yummy，揀啱就快啲去投票啦，你嘅一票將直接影響結果！是次投票共四個投選組別，首3000位參加者於投票期內完成所有投票，合共54票，即可獲得OpenRice 500積分（等值Rice Dollars $50），名額有限，先到先得。 投票期內完成兩個投選組別的參加者即可自動參加*大抽獎，贏取豐富獎品！
活動詳情（按此）
立即投票（按此）
想支持心水餐廳，記得注意返投票日期：2023年3月30日 - 2023年5月3日
*推廣生意的競賽牌照號碼：56879-80
