最近香港興起食海鮮丼，一嚟唔少日本餐廳都有新鮮刺身供應，令各位為食友唔洗飛日本一轉都食到各款海鮮鮮味；二嚟尤其係雜錦海鮮丼有齊唔同新鮮刺身，見到都覺得食指大動。沙田一間酒店旗下嘅日本餐廳食住呢個潮流，推出全新嘅極級龍蝦空降刺身丼，仲要每日限量供應5份，叫得極級到底有幾勁？

沙田麗豪酒店味房居食屋新推出嘅極級龍蝦空降刺身丼會用到足有12吋直徑嘅大木盆上枱，珍寶分量夠2人開心Share。上面會有嚟自龍蝦、海膽、帆立貝、三文魚、松葉蟹腳、蟹肉、蟹糕、三文魚籽同吞拿魚腩蓉等。剩係數都要慢慢數一陣。

唔單止分量大，龍蝦同刺身都係經過精挑細選，例如龍蝦特別選用南太平洋龍蝦，貪其肉質爽脆味道濃郁。吞拿魚腩蓉就揀脂肪魚肉平均分佈嘅魚腩位，人手切碎更顯鮮甜。連飯都係特別經日本江戶前傳統做法炮製嘅赤醋飯。

聽到介紹啲口水就唔小心流咗一地？想試就記得一定要先提早預訂，如果唔係，「吃不到的刺身丼是酸的」就唔好啦。

*極級龍蝦空降刺身丼每日限量供應5份，須提早預訂，原價：$888，快閃價：$598

開飯編輯推介：

1. 【專訪】西營盤平價點心飯店 67歲老闆堅持日做12小時

2. 9月份好評餐廳十強

3. Wine & Dine 2016 重點推介率先睇

熱門文章推介：

1. 牛頭角特色食店攻略

2. 邂逅蟹王 10月就是要任食大閘蟹 5個大閘蟹搵食點

3. 【開飯知識】食糖水要識揀 一碗糖分隨時超標！