熱辣辣嘅夏天終於過去，係時候搵間有靚景、有好西食、又有酒飲嘅露天地方同朋友食個飯、吹個水！今次一於就介紹幾間露天嘅餐廳酒吧比大家！
Cruise係一間酒店頂樓嘅空中餐廳同酒吧，無敵海景一覽無違，露天位置有梳化位，嘆住海風食下野真係好舒服。餐廳全部都係落地大玻璃，就算坐入面都一樣睇到海景。
食物方面晚餐特別推薦T骨牛扒，大大件足足有成寸半咁厚，肉汁豐富。燴牛膝亦都炆得夠嫰滑入味！weekend有semi-buffet lunch，加錢仲有得無限任飲香檳！平日就有二百零蚊就食到嘅set lunch，平日工作壓力大，係時候去嘆下啦～
如果唔想下下食西餐，可以考慮下以創意日本料理為主嘅Zuma，Zuma係一間英國開嘅日本料理店，9月果陣重新喺香港開業，餐廳分為兩層，下層為日本餐廳，上層係酒廊同酒吧。餐廳裝修以木色為主調，翻新後露台設有木枱，四周都比高樓大廈圍繞住，欣賞下香港城市景都唔錯！
必試有餐廳主打銀鱈魚，煮得好嫩滑好juicy，醬汁有淡淡檸檬香，另外吞拿魚同三文魚既tartar combo都值得一試，油脂分佈均勻，配埋魚子醬一齊食，勁鮮味！仲有新鮮刺身同燒牛肉等17款招牌菜，真係要去多幾次先試得哂！
PIQNIQ
中意Young啲嘅環境，位於中環嘅PIQNIQ就啱哂啦！露天位置七彩繽紛，放咗草間彌生具代表性嘅南瓜藝術品，頂部掛咗塊白色帆布帳篷，加上周圍種滿草，好有戶外野餐feel！酒吧就以Lala Curio嘅復古瓷磚營造舒適休閒嘅氣氛。餐廳主打和牛三文治，百分百選用宮崎和牛，和牛煎到半生熟，好重牛味，再夾入香脆嘅麵包到，味道好夾！
餐廳位於酒店25層高嘅天台，戶外露台空間足足有420平方米，絕對係影相打卡好位置！
主廚Didier Quennouelle有25年烹飪經驗，對於法國料理特別拿手。主打有烤製法國旺代乳鴿、時令番茄及法國 Philibon 橙肉蜜瓜同焦糖金蘋果芝士蛋糕。餐廳每個星期一至四都會更換Menu，希望客人每次去食都會有新鮮感！而且星期五至六仲有啱哂朋友聚會嘅「Birds of a Feather」Menu，重點係可以無限飲雞尾酒，最啱就係Happy Friday去啦！
地址: 北角北角邨里1號海匯酒店西座23樓
地址: 中環皇后大道中15號置地廣場5樓501-503號舖
地址: 香港中環皇后大道中80號H Queen's 27樓
地址: 中環紅棉路22號尼依格羅酒店頂樓層
文：Yanica
相：Popinjays、BrendaFung4014、Christy Leung、wahdeehui、小鞋子
