呢間米線連鎖店喺呢幾日推出咗一個冬天非常啱食嘅養生鍋物──姬松茸養生花膠雞鍋，有姬松茸、花膠、紅棗等，仲有雞有牛有米線，既滋補又豐富，價錢都只係百幾蚊咋，速速睇開飯仔試食報告先！

介絡番基本資料！呢個養生滋補鍋以姬松茸紅棗養生湯底，仲跟13款火鍋配料，有花膠、雞件、肥牛片、手打豬肉丸、手打香菜魚肉雞丸、真姬菇、白玉菇、雪耳、雲耳、金菇、南瓜片、唐生菜以及兩碗米線。

姬松茸聞落好有蘑菇香，味道與其他肝菌一樣爽口，被日本人視為抗癌食品，所以今次推出嘅養生鍋物，特別以姬松茸做主打。

火鍋入面有幾粒姬松茸、雞件、紅棗及薑片，雞件分量約有1/4隻雞左右。

煲滾後嘅湯底好清，不太油，而且好有濃郁松茸香，味道亦幾鮮甜。

每鍋都送4件花膠，花膠雖然不太厚身，但勝在夠滋補，而且亦好吸湯，好甜。

雞肉好嫩滑，都有少少嚼頭，而且分量都幾多。

美國肥牛肉味濃，而且有嚼頭。

開飯仔推介呢兩款店子自家炮製嘅（左）手打豬肉丸、（右）手打香菜魚肉雞丸，非常彈牙。

雲耳吸收晒湯底味道，口感依然爽口，非常好味。

另外亦可以追加其他配料，有（前）迷你菜肉餃子、（後）鮮蝦雲吞。

貴妃腩肉片幾爽口，而且不太油膩。

追加嘅雞髀肉好有肉感，無骨又厚身，雞肉亦好嫩滑。

迷你菜肉餃子好清新，不太油膩。

如果要加湯，可加入舖頭招牌嘅豬骨湯。

火鍋包兩杯飲品，可揀選罐裝汽水或者店子特飲，例如（左）桂圓杞子茶、（右）鹹檸蘆薈冰、多多亳眼冰、青檸薏米水、芒果鐵觀音、青瓜豆漿、椰汁紅豆冰及青檸梳打。

米線陣
地址：尖沙咀加拿芬道20號加拿芬廣場地庫
注：只限晚市供應

文：Joy