香港是個不夜城，百貨公司、商場及服裝店舖等愈開愈夜，不好Shopping的可以唱貓頭鷹時段通宵K、看午夜場電影，抑或有時候夜機返港、開OT、Happy Hour下場、訓唔著……無論咩原因，半夜三更餓到肚打鼓，除了24小時營業的快餐店及便利店，你又知否更多半夜開飯好選擇？立即睇！
超人氣拉麵 一蘭
  (Photos by 龍震天 and *劍心*) | 來自日本九州的一蘭拉麵在港開海外第一間分店，旋即紅爆全城。店面裝潢、點單紙以至24小時的營業時間都跟總店一樣，一格格自修室格局更適合獨自醫肚，不少會員都認同麵質和湯底貼近日本本店。一蘭選址在消遣娛樂勝地銅鑼灣，對一眾夜鬼來說是另一喜訊。但提提你別以為夜麻麻去就一定有位，現屬開店初期還有不少人慕名而去，半夜、凌晨及清早仍見人龍。 sylvester_k：凌晨1點半，看到人龍，不敢相信自己的眼睛，香港人果然偏好拉麵(包括我在內)，輪侯時間雖已縮短一半，但仍需90分鐘。先對比一下在大阪分店的賣相，和香港的大致相同。香濃的豚骨味撲鼻而來，急不及待先呷一口湯，滑而不膩。再配上秘製醬汁，辛辣味齒頰留香。麵條方面，一蘭的麵身較香港的其他拉麵店硬身，跟在日本吃到的一樣，爽口彈牙。即使我在拍照後，過了數分鐘才動筷，麵條亦未有因浸泡過久而變軟。 |
窩心茶記 新香園 (堅記)
  (Photos by yipyip88 and Marshy) | 深水埗區不乏美味食店，但講到開通宵的就要提新香園(堅記)，用上鮮牛肉且即叫即煎的蛋牛治是其鎮店之寶。半夜覓食時，這類街坊經營的傳統茶記不失為一個窩心之選，奶茶、檸茶及紅豆冰等飲品；通粉丁麵；三文治和Comfort Food 西多士等，任何時侯都總有一款能滿足飢腸轆轆的你。不過店舖不大，即使半夜都有可能要搭檯。 Fan_doraemon：晚上十一時多, 和朋友走到深水埗鴨寮街一間新開的鷄煲店食鷄煲. 兩人食了三百多元的食物, 仍感到好像沒吃東西一樣, 於是我們便決定去食蛋牛治. 店裡最出名的蛋牛治, 令人回味再三的蹺妙, 用了剁碎牛肉, 落鑊加調味料爆香，然後加雞蛋再煎至八成熟，食落一粒粒口感又有質感. 非常好吃. 另一相關食評：晚上去了博覽館聽完concert 後也差不多十二點, 和2個朋友走到這裡吃宵夜.叫了碗牛筋面，牛筋份量多，炆得非常淋而且夠入味， 麵好幼細，亦十分爽口彈牙，而且係無鹼水，真係好味。非常好！ |
唔夜唔烚 百利火鍋海鮮酒家
 
(Photos by 小連 and 愛食) |
打邊爐是香港人一年四季的正經事，甚至愈夜烚得愈起勁。太子的百利火鍋能供應多款特色湯底如狗仔窩、豬肚湯和蝴蝶腩湯；生料則有鴨粉腸、魚卜和烏魚扣等。更好的是，這兒愈夜愈抵食，夜晚十時開始火鍋配料如肥半更有減價。有樓上座位可訂，幾夜收工的朋友也不愁沒好地方相聚大快朵頤了。但百利別具街坊大牌檔風味，環境會較擠迫嘈雜。 aquarius_minime：朋友話去打邊爐，事先講明環境好差但好食！已經book咗枱，點知8點幾去到，門口已聚集大量人群！訂咗枱都冇位！等咗大概大半個鐘(仲要識人先咁快)，終於有得食！ 深海泥猛！好滑，即叫即劏...其他火鍋料，如魚標、手切牛、菜、魚滑等等，都新鮮好味！係一間以新鮮做主打既火鍋店，九點後牛肉仲有折架！ |
飲夜茶之選 洪慶海鮮燒臘飯店
  (Photos by DragonFire) | 夜麻麻想吃得豐富點的話，拉大隊飲夜茶，歎一盅兩件會是不錯的選擇，熱茶更可醒酒暖胃。每到晚上十點半，洪慶的蒸籠、腸粉爐和生滾粥爐仍是蒸氣騰騰，沒有絲毫準備打烊的意思，因為這時正正是夜茶時段的開始。點心有不少傳統款式如蝦子柚皮、鵪鶉蛋燒賣和節瓜甫等，還嫌不夠的還有盅頭飯、即拉腸粉或者海鮮小炒，價錢也相宜。 fireexpert：是日點了.....琵琶豆腐 -- 超正, 夠滑...最欣賞佢地個茨分開上..唔會整到個炸皮淋晒....炸皮又簿....真係好味..梅菜扣肉 -- 唔覺得係肥.....肥肉位有咬口....真係好正....個汁又無肥油~~好耐無試過無肥糕既梅菜扣肉 上湯莧菜 -- 因為無波菜, 我改左做莧菜..一樣咁正 蝦餃 -- 我地坐到 22:30 , 聞到有點心味...忍唔住叫左兩籠.... |
痛快夜食大塊Pizza Big Pizza
 
(Photos by 熱血冒險王 and dtmn) |
夜深時分想食Pizza，連外賣服務都休息了，點算？Big Pizza幫到你。這店主打賣直徑有24吋的巨型Pizza的單件裝，一人獨自吃不怕浪費，而且大大塊好滋味，外賣回家睇波或送啤酒都得。Pizza有多款口味如經典芝士、辣肉腸和火腿磨菇等可選，價錢實惠。當客人購買時，Pizza會放進烤爐加熱。蘭桂坊及灣仔分店，外賣堂食均可。 我叫聰聰：食了一口,發現這就是PIZZA應該要有的味道 簡簡單單,芝士在面,底下有非常多的蕃茄醬,味道咸咸酸酸,面頭有少少辣肉腸 餅底麵粉味十足,材料雖簡單,但係口味十分O岩我.好的PIZZA不用花巧 這塊大PIZZA係我食過咁多間大大塊之中最好食 如果有人行過請麻煩幫我買一塊做宵夜 |
提早吃早餐吧 The Flying Pan
 
(Photos by JxKYasai and 好食到彭彭聲) | 唔想空肚食早餐？總之你想幾時食早餐都得！因為洋溢外國氣氛的Flying Pan 24小時供應大份足料The Full English或 Egg Benedict等早餐菜式。配菜有切粒水果、番茄、沙律及燕麥片等可選，適合就算吃消夜也希望吃得健康的朋友們。灣仔分店適合上班一族或唱Ｋ人士，而在蘭桂坊附近的分店則是蒲精醫肚的好去處！ 辣子：燈紅酒綠的駱克道，清晨時份仍有零星酒客。而在 The Flying Pan 裡，寥寥的人客中，看得出有剛「收工」的酒吧女郎，也有給人客帶上來「續攤」的... 要麼不吃，要麼就來個特別點的 Ranchero Eggs（$67）。很墨西哥風的菜，一片墨西哥薄餅上鋪滿芝士、炸豆、薯仔粒、沙沙醬（應是用紅椒製成的）、酸忌廉、青辣椒再加兩隻太陽蛋。旁邊還有兩邊煎蕃茄，有夠豐富了吧。色彩繽紛，令人胃口大開。有酸有辣，有芝士的軟滑和蛋汁的溫柔，層次紛陳，吃到底才是帶麵粉香的 tortilla。 每個地方，總要有些什麼時候都可以吃早餐的地方，成為疲憊都市人的加油站。 |
文：Daa