2017亞洲50最佳餐廳香港七間餐廳上榜

2017年度「亞洲50最佳餐廳」頒獎典禮日前喺曼谷完滿結束，當晚亦公佈咗完整名單。今年總共有七間香港餐廳上榜，比去年少兩間。七間餐廳有新上榜，其他餐廳排名各有升降，當中一間更上升一位打入亞洲三甲！

第3位　　Amber

由去年嘅第4再上升一位打入三甲嘅Amber同時亦「冧莊」奪得「中國最佳餐廳」之譽，米芝蓮二星廚藝總監Richard嘅創新精神同體驗式理念當然係一大因由。佳餚嘅精緻賣相同高品質嘅服務水平亦令餐廳再次順利得到認可，同時餐廳亦係最優秀開飯法國菜長勝將軍，今年再次入圍唔知道會唔會一樣「冧莊」呢？

由「白松露之王」Umberto Bomban開設嘅呢間意大利餐廳當然有質素保證，開業11個月就摘下米芝蓮二星，更連續喺2012年至2017年都保持三星評價。今年名次上升9位之餘，Umberto Bomban亦獲得「Diners Club®終生成就獎」。

第17位　　龍景軒

作為首間並連續九年獲得米芝蓮三星殊榮嘅中菜廳由去年嘅第10位跌至第17位，賣點之一係可以飽覽維港壯麗景色。行政總廚陳恩德主理嘅點心、海鮮同粵菜都用料上盛。龍帶玉梨香係必試點心之一。

第33位　　Ta Vie

將日本料理精緻同不時不食嘅特別發揮得淋漓盡致嘅呢間法日Fusion高級餐廳今年名次大躍進，由去年新入榜嘅第48位跳到第33位，負責主理嘅佐藤秀明，同時亦係天空龍吟日本料理嘅創辦總廚山本征治先生嘅徒弟功不可沒。

由全球旗下餐廳擁有最多米芝蓮星級肯定法國名廚Joël Robuchon開設嘅呢間法國菜餐廳，今年微跌一位到第41位。菜式以摩登法國菜為主，特點係有開放式廚房，裝修氣氛亦比一般法國Fine Dining輕鬆寫意。

第45位　　Ronin

同日式串燒店Yardbird一樣出自Matthew Abergel之手嘅呢間日本餐廳今年成為香港唯一新上榜，走日式居酒屋風格。菜式海鮮為主，必試鮮味十足嘅Flower crab with uni，加上超過100款日本威士忌、清酒、手工啤酒等選擇，美酒佳餚就成為咗最好嘅配搭。

第47位　　大班樓

呢間廣東菜館由去年嘅第27位跌至今年嘅第47位，不過睇返香港人評價，餐廳水平似乎無太大變化。菜式以摩登粵菜為主，招牌菜雞油花雕蟹一貫鮮甜帶酒香，而且其他手工懷舊粵菜亦有水準。

值得留意嘅係曼谷Gaggan已經係連續三年奪得亞洲最佳餐廳殊榮（更多亞洲區推介可以睇亞洲得獎餐廳攻略！），另外身兼香港同曼谷Little Bao嘅創辦人May Chow亦榮獲「2017亞洲最佳女廚師」。

更多2017「亞洲50最佳餐廳」：

1. 【日本】2017亞洲50最佳餐廳日本入選名單全攻略

隨時接收最新資訊
讚好OpenRice專頁！