香港近年就興起一陣麻辣火鍋同台式養生鍋熱，銅鑼灣最近就開咗間火鍋放題，裝修好華麗，湯底竟然同時有川式麻辣、各款台式養生湯底同燉湯揀，仲有好多特色配料，有$188同$288兩個價揀，今次真係想刺激又得，養生都得啦！

麻辣鴨血湯沿用成都果邊嘅做法，加入豆瓣醬、麻辣湯、辣椒乾、花椒熬製。食落真係又香又麻。鴨血吸收哂麻辣味又滑溜。藥膳排骨湯就真材實料，用藥材同排骨每日新鮮熬煮一晚，湯底好濃郁，有淡淡藥材味。

選$288放題會多幾款湯底同配料揀，如金湯酸菜魚，選用鯇魚，湯底有地道四川風味，麻香得嚟又帶少少辣。養生嘅朋友一定要加$30試下燉湯，桃膠皂角米烏雞清熱潤燥，試咗湯後就可以倒入鍋打邊爐啦！

$288仲會送美國A級安格斯牛頸脊、雲南雪山繡球菌、正宗潮汕手打牛肉丸、台灣水蓮菜同一個經典拼盤。牛頸脊入口軟唸，潮汕牛肉丸都重口味，繡球菌係一種珍貴菌類，放入養生鍋到吸湯就最啱啦！

任食牛肉都有五款口味，包括紅酒、瘋狂、青草、窩蛋同筷子牛肉。呢款筷子牛肉就啱哂打卡啦，真係有成隻筷子咁長，而且都好入味。

其他火鍋配料好有特色，好多香港比較少見，如大漢軟骨、肥腸結予、川式臘腸等。仲有降火冰粉比大家解辣添！

老沸爺火鍋

地址: 銅鑼灣堅拿道西10號冠景樓1樓B室

文：Yanica

相、片：Tom Li