好多酒店自助餐喺4月就會轉換吓主題或者食材，等食客有更多新鮮感，所以buffet迷又係時間出動喇！今次開飯仔揀咗三個全新主題自助餐，鍾意試新款式嘅朋友，一定要留意同埋留肚，睇睇邊間有興趣就打去book位啦！
泰越海鮮三款生蠔
以泰越美食做主題，有大量海鮮菜式包括即煎越南虎蝦、泰式鑊炒咖哩蟹、越式蒸海斑、椰汁焗海鮮等等。最回本當然係任食三款即開時令生蠔，現時係來自蘇格蘭、塔斯曼尼亞及愛爾蘭，另有阿拉斯加皇帝蟹腳、鱈場蟹腳、翡翠螺。復活節冇特別加價，要快手book喇！
越滋味‧泰滋味自助晚餐
供應日期：2017年4月1日至6月30日
供應時間：6:00pm-9:00pm
價錢：星期一至四 成人$498/小童及長者$328，星期五至日、公眾假期及前夕 成人$518/小童及長者$358
即烤串燒x生蠔海鮮
鍾意食香口燒烤嘅朋友要留意返，呢個自助餐除咗有即開生蠔同凍海鮮，仲新加咗唔同國家風味串燒，喺客人面前即叫即燒，好似美式安格斯一口牛肉串燒、印度香草羊肉丸、串燒蘇格蘭煙三文魚帶子卷及鮑汁蝦子花膠蝦丸串等等，連甜品馬卡龍都用串埋一串，有創意！
「串」新口味自助晚餐
供應日期：4月1日至6月30日
供應時間：6:00pm-9:30pm
價錢：星期日至星期四 成人$508/長者及小童$368，星期五、六或公衆假期及其前夕 成人$548/長者及小童$398
更多【飲食潮流】： |
泰籍大廚坐鎮
4月係泰國新年，所以呢間都係以泰菜做主題。由泰籍大廚親自炮製，有青木瓜、泰式鳳爪等多款泰式沙律，必吃招牌泰式冬蔭功湯、黃咖喱蟹、泰式燒魚、肉碎生菜包等主菜，當然唔少得泰式甜品，包括泰國新鮮芒果即製嘅芒果班戟、窩夫同芒果糯米飯。
泰國美食巡禮自助晚餐
供應時間：2017年4月1日至5月31日
供應時間：6:30pm-10:00pm
價錢：星期日至四 成人$508/小童$278，星期五、六、公眾假期及前夕 成人$548/小童$298
文：Perrins