豆腐巴克

营业中

休息中

自家製雲吞麵套餐：揀左秘製酸辣湯底同芋頭香菇雲吞，因為出面既雲吞好少會有芋頭做餡料，店主出呢個口味好有心思👍🏽呢個配搭都幾新穎同埋原來幾好味！湯底唔係一味濃味嗰款，而且酸菜都幾多，不過薯粉就偏淋左少少，可能因為浸得太入味一口炸芋圓：細細粒配煉奶，份量都幾多其實佢仲有好多牛乳味既嘢飲同芋圓豆腐花都好好味🥹

沙田區不嬲有唔少岀名既街坊小食，環境未必優美，但野食既味道，甚至火候都好正👍🏻同朋友去石門按摩，都係第一次嚟呢個地方，發現呢間小店鋪。空間唔多，但見到門口招牌有炸芋圓，從來都未見過，亦未食過，就決定入嚟試一試。。一口炸芋圓 ($25) 係呢到招牌必點之一👍🏻三色炸芋圓，因為真係好少係外面食到。整體唔油膩，三色 - 芋頭、蕃薯和紫薯味，而表面佈滿煉奶，食落甜甜地之外，更加外脆內軟，即使炸左，仍然食到芋圓本身既煙韌口感，正到想即刻encore😍。擂沙湯圓 ($20) 表面個樣睇落似糖不甩，但食落不得了😍擂沙湯丸好大粒、好足料，好夠黑芝麻味，而且仲係流心，而小食店比好多芝麻碎&花生粒係表面，材料完全唔吝嗇，食落唔單止甜，更加食到童年既味道回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️消費指數: 💰(TTL $45，人均消費$20+)環境質素: ☘️☘️* 豆腐巴克 (沙田)沙田石門安群街3號京瑞廣場1期2樓209號舖同類餐廳 #cocofood_甜品 #港味道同區餐廳 #cocofood_石門如果你鍾意我既分享，按右上角🔔，就可以睇到我所有既update🙈

-{石門人氣炸芋圓🍡}🤤一口炸芋圓🤤 ($25)好好食😍😍😍外皮係炸皮夠薄😋之後係煙韌口感😙少少芋頭味☺️點埋煉奶完勝了 最後encore左多碟🤩👖褲評: 9/10🤤炸醬撈麵🤤 ($35)麵質煙韌😙偏咸嘅肉粒撈麵😂幾香口的👖褲評: 7.6/10🤤一口炸燒賣🤤 ($15)外皮夠脆入面係魚肉🤓上面有椒鹽 試埋蜜糖芥末好惹味😋👖褲評: 7.8/10🤤混醬豬腸粉🤤 ($15/5)癡埋一嚿好粉 一啲都唔滑嘅腸粉😟👖褲評: 4/10🤤芋泥豆乳🤤 ($18)豆乳味重但芋泥味唔夠仲要份量少😢👖褲評: 5/10重點推介炸芋圓😚炸燒賣都好食😛性價比: 8/10服務: 8/10環境: 7/10🚩 豆腐巴克 🚩地址: 沙田石門安群街3號京瑞廣場1期2樓209號舖

一直都好想食呢一間豆乳個日咁岩去開個頭 終於有機會食到!由於個日係食完晚飯先去，就無叫好多叫左佢個養生豆乳1號同埋一口炸芋圓首先講下佢個豆乳，好香，豆腐花好滑但由於佢應該無落糖，所以會有D淡，感覺好健康我自己就鍾意飲無糖豆漿所以我覺得ok 鍾意食甜嘅可以自己落黃糖入面嘅配料（桃膠、西米、枸杞、薏米、桂圓、豆腐花）都好足料$28嚟講係十分抵食至於個一口炸芋圓就好好食 好煙韌 細細粒食唔停😂亦都重蕃薯同芋頭味👍🏼$25就少咗啲但好好食

今次幫襯石門主打芋圓、豆製品嘅黃店 主食、港式小食、糖水乜都有🤤 我哋平日lunch hour去都唔算多人 即刻有位~ 小店地方唔大 但環境乾淨清爽☺️一口炸芋圓 $25/份芋圓細細粒外脆內軟 配埋煉奶甜甜地 幾惹味😚招牌芋圓5號 $36 (豆腐花、桃膠、仙草、花奶）呢個三色芋圓系列有好多配搭 仲可以自選甜味有黑糖/紅糖/豆腐/椰汁等唔同選擇👍小編今次揀咗黑糖做底~ 成碗好足料 豆腐花好香滑 芋圓好煙靭 但冇咩芋頭地瓜味😗加埋滑滑仙草 同桃膠 整體口感好豐富又飽足😛一口炸燒賣 $15/9粒燒賣大大舊 外皮炸到脆卜卜 撒滿椒鹽同蜜糖芥茉醬 食落好香口 但燒賣餡料偏粉 整體來講好抵食👍鮮芋泥豆乳 $18豆乳甜度偏低 配埋粒粒芋泥 更有口感

我係特別搭車入嚟，就係因為想試呢度嘅炸芋圓，即叫即炸，店員話等5-10分鐘左右。等佢炸緊芋圓期間，喺門口望餐牌，嘩！店舖細少，餐牌上好多嘢食選擇喎！不過今次目的係食炸芋圓，好味嘅話，下次再嚟堂食。一口炸芋圓 (HK$25)．細細粒嘅三色芋圓、入口熱辣辣、炸得外皮脆口，內裡煙煙韌韌好過引．用竹籤吉著，一粒粒咁食才能食到每隻色嘅味道喔．半身芋圓有少少甜味，鍾意食甜啲嘅，一定要點埋煉奶，會覺得更好食㗎！😋

又係外賣既季節 嗌外賣都要嗌得有要求！今次揀左我想食好耐既小店，安坐家中就可以食到！酥炸雞軟骨炸醬撈麵 ($54)唔係廣東果隻紅色肉絲，而係類似韓式肉醬，非常濃郁既醬撈落上海麵到真係好正 麵條外賣麵算係彈牙，加埋肉燥好惹味 雞軟骨都有好多粒，好酥脆另外果碗係湯薯粉，湯同麵分開上，唔會浸淋哂。自家製既菜肉雲吞大大粒，仲有4-6粒，都幾有驚喜。個湯係蟲草花豬骨湯，又幾有心思一口炸芋圓 ($30)呢個真係不得了 果然係呢度既名物！芋圓、紫薯圓、番薯圓全部都有應有既味道，口感煙韌，蘸鍊奶呢個配搭世一 一定一定要試呢個招牌！

𝙘𝙤𝙪𝙡𝙙𝙣'𝙩 𝙧𝙚𝙨𝙞𝙨𝙩 𝙜𝙚𝙩𝙩𝙞𝙣𝙜 𝙩𝙝𝙚𝙨𝙚 𝙩𝙖𝙧𝙤 𝙗𝙖𝙡𝙡𝙨 𝙬𝙝𝙚𝙣 𝙞 𝙜𝙤𝙩 𝙩𝙤 𝙫𝙞𝙨𝙞𝙩 𝙨𝙝𝙚𝙠 𝙢𝙪𝙣! 𝙞 𝙢𝙚𝙖𝙣 𝙡𝙤𝙤𝙠 𝙖𝙩 𝙝𝙤𝙬 𝙘𝙪𝙩𝙚 𝙩𝙝𝙚 𝙗𝙖𝙡𝙡𝙨 𝙖𝙧𝙚😝 𝙙𝙚𝙛𝙞𝙣𝙞𝙩𝙚𝙡𝙮 𝙬𝙤𝙧𝙩𝙝 𝙮𝙤𝙪𝙧 𝙥𝙚𝙣𝙣𝙮!.近排天氣凍咗，食完飯例牌就係去食糖水，今次咁啱嚟到新解鎖嘅石門食晚飯，終於有機會一試個個都讚嘅炸芋圓！雖然佢鋪頭都幾隱蔽，但門口都有唔少人排隊同埋食緊，鋪頭細細但嘢食都幾多選擇，又有中式糖水又有芋圓，鹹嘅仲有小食添，全部都勁平以後自己睇錯價錢！炸芋圓真係無叫錯，夠哂煙韌個皮又脆脆哋，食落又似炸饅頭又似炸芝士年糕，咬落唔知點解仲有薯仔香😂 點埋煉奶一鹹一甜咁好夾，叫多一碟都仲得！另外豆乳豆花好足料，好多綠豆同西米，仲要唔甜，食完都冇乜罪惡感～

一口炸芋圓 / 25見到咁多芋圓嘅時候真係嚇親 咁抵食可以喺邊度搵芋圓同橙色地瓜圓都幾高汁 味道好濃 加埋甜甜哋嘅煉奶超好食仲要炸到外表啱啱好脆 一咬落去就好煙韌混醬豬腸粉 / 15 (5條)——————————————————推介度: 7.5/10——————————————————沙田石門安群街3號京瑞廣場1期2樓209號舖——————————————————

點解咁好食嘅食物而家先比我發現到！😵😵真係好好味嘅炸芋圓🤤🤤🤤從來冇哂過佢地會可以咁夾🤩🤩熱辣辣好大碟！配埋煉奶好好味😛3種唔同味道都食得出，真係好出色💯💯舖頭係商場細細間，我地去個陣係平日下午但係都坐滿晒🈵️有其他人食佢地嘅熱食小食，都有黎食糖水嘅。等呢碟炸芋圓要等5-10分鐘，因為佢地係即炸，但係$25咁嘅質素真係抵到不得了😭😭就算遠咗啲但係有機會一定會再去🤩🤩🤩