真妮 (已結業)

餐廳裝潢很有趣啊！用上七彩繽紛的顏色🌈，牆上有雲朵燈，充滿童真的感覺呢～而且餐廳有提供兒童餐，適合帶小朋友來吃。本來以為是一般賣漢堡包店，誰知道食物質素不錯呢！雞蛋和米都是使用日本的。而且除了漢堡包外，還有薄餅、蛋包飯、焗飯和全日早餐等，很多種類啊～與平時的漢堡包店不相同。職員也很用心講解程序，服務不錯啊～可以使用Qr code下單，也可以職員幫忙下單。我們點了一個薄餅🍕、一個漢堡、兩個小食和兩杯飲品。♡一半千島一半咖哩比薩$88看到這款有兩種口味的薄餅，就想也不想點了這個，一次過可以嚐到兩種口味呢～薄餅邊位香脆，是薄身餅底，不會有飽濟的感覺。一半是千島海鮮口味，醬汁酸酸甜甜的，有青口、魷魚和菠蘿等，而另一半是香濃的咖哩雞口味，兩種口味交替吃，不會覺得單調。♡宅男日式咖哩豬漢堡$58 🥢必點🥢所有漢堡可以配薯條或沙律，不過薯條售完了，所以轉做了薯餅，薯餅炸得香脆，不會有油膩感。而豬肉用上黑豚肉，肉質軟腍，吉列外皮很香脆，有外脆內軟的口感，饀料有爽口的洋蔥和青瓜絲，配上咖哩醬。醬汁還可以選多醬呢～♡一口芝士(4件)$28 🥢必點🥢十分出色的小吃啊！我和朋友都很喜歡👍吉列外皮香脆可口，咬下

寶琳新開左呢間西式漢堡包店，新開張未試過，緊係要黎試下先知好吾好食啦～鋪頭外面裝修好吸引，色彩繽紛，好吸引人既目光，加上佢哋成個裝修都好光猛，色彩鮮豔既感覺令到人心情愉悅，食飯都可以食多一點😂😂😂雖然佢哋主打漢堡包，但是我都想試下除左漢堡包之外既野，所以我地就簡左一個比薩，一個蛋包飯同兩個小食，飲品方面叫左主食基本上都會送基本既熱飲，奶茶檸茶檸水，凍飲加多3蚊，但是我地比佢既特飲吸引左，所以我們豪點加錢飲特飲，特飲係出色既，色香味皆全。顏色依然同裝修一樣都係色彩繽紛，仲有薄荷葉裝飾，我飲既係士多啤梨益力多，飲落有少少士多啤梨既種子，果肉應該是隔走左，如果有少少果肉會更加有口感。兩杯飲品都份量十足，價錢同飲品係成正比既，下次有機會想試下冰沙類別呢～首先上檯既係小食，小食係好好好出色，因為一炸起就立即上檯，好香好脆口，呢個價錢黎講份量很可以，味道更係吾錯，雞塊有肉汁，吾柴口，係鮮嫩既雞肉，炸粉好脆口，薄的黎又好好包裹好雞肉，所以食落仲有雞汁☺☺☺一口芝士相對黎講要軟一點，用叉的話比較難叉起來食，用匙羹會更好食到，同樣芝士都炸得好香脆，芝士味濃郁。吉列豬扒咖哩蛋包飯， 吉列豬扒炸得好出色，

小店裝修好colorful，令人有開心既感覺，座位唔會迫，坐得幾舒服。鳳梨黑豚堡 (配細薯條) $72漢堡講求麵包、肉同菜比例平均，呢個我比 100分，麵包上下層帶有芝麻粒，烘過後帶香味。吉列黑豚炸粉厚度適中，外脆內嫩。酸酸甜甜既菠蘿同清新既青瓜可以中和吉列既油膩感!薯條表面沈左啲粒鹽。漢堡扒咖喱蛋包飯 $78上台有好靚既半生熟旋轉蛋，入面係白飯底><漢堡扒估計冋佢地signature牛肉漢堡係一樣。漢堡有一定厚度，所以做到七成熟，而外層帶有焦脆。咖喱係偏甜的日式style，拌入煮溶既薯仔，仍然食到薯仔應有既粉粉既質地。跟餐加小食幾抵! 大部分選擇都係邪惡既炸物，難得星期五就放縱下自已!日式小丸子 (跟餐加 $28)一份有五粒，鋪滿紫菜同木魚碎，一粒小丸子隨時有兩三粒章魚，廚房落得好疏爽。一口芝士 (跟餐加 $28)一份有五粒，唔係用拉絲既芝士，咬開有濃郁既cream cheese，食完兩粒已經有飽肚感，建議同人share!抹茶Latte、Mocha $26做到應有既漸層!抹茶Latte係冇咖啡成份，岩晒夜晚飲，唔會訓唔著! Mocha 朱古力味比啡味重，各有喜愛。

上次為食貓去完寶琳，發覺附近開咗好多新嘅餐廳之後，得閒就會行過去搵食琴晚為食貓就同朋友去咗好七彩繽紛嘅真妮度食野😺環境餐廳嘅裝修好別緻，係以彩色做主題，好有童真嘅感覺♥️🌈同朋友喺度食野飲野都幾chill食物餐廳嘅食物以cafe嘅食物為主，有漢堡、all day breakfast、pizza同炸物等等單層真妮漢堡（單層） $78 （4/5）呢個手打漢堡都幾足料，有生菜、蕃茄同煎得幾香嘅手打漢堡，加埋佢個秘制醬汁，令到個包升左另一個層次，更juicy 夏威夷鳳梨黑豚堡 $72 （4/5）為食貓覺得呢個包比真妮漢堡更出色👍🏾首先佢個包一d都唔乾，塊黑豚豬扒又好厚同好脆口而且超大塊既鳳梨撈埋青瓜絲，原來個味道可以咁夾一口芝士 + 日式小丸子 $28 （4/5）為食貓重叫左呢2個小食，味道都同樣唔錯，但早知唔叫咁多，太飽😂凍抹茶latte + 凍海鹽焦糖latte食完d嘢，配埋2杯奶類飲品就啱啱好，好滿足為食貓覺得呢間餐廳都幾啱同朋友嚟傾吓計，食吓下午茶☕️

呢間真妮好似新開左幾個月，裝修好光猛好colourful ，但一直都未試過，今晚放工唔想煮飯，決定試下呢間burger。雙層真妮漢堡- 呢個雙層漢堡真係好厚！原來佢一層肉本身已經好厚身，同隻手指差唔多厚！難怪我食一層都覺得好吃力，男士都未必能夠一口咬到成個包😂😂味道方面都係好出色，漢堡煎到有少少焦，配埋生菜、芝士同個醬汁好夾，好鍾意，個人覺得同個啲好出名既burger店既burger有得揮，係會掛住同會再來食佢！漢堡跟既薯條都好好食👍🏻三重芝士煙肉菠蘿pizza-呢個pizza真心材料係超多，芝士多就唔洗講，煙肉同菠蘿係鋪滿成個pizza上，幾乎每一啖都食到菠蘿同煙肉，加上調味都唔錯，好抵食。一口芝士-賣相好靚，外面係金黃色好脆口，唔好睇佢好似好細舊，其實裡面充滿軟綿綿既芝士，食完都飽飽地架日式小丸子- 好耐無食過小丸子喇，見到呢度有得食，即刻叫左。小丸子外面好脆，裏面都好足料，成功滿足左我食小丸子的慾望😋飲品叫左海鹽焦糖latte同熱檸水～呢餐其實淨係食個burger 已經好飽，加埋其他野食，我地2個食完都要散下步先返屋企！