公子茶座 (已結業)

😊 喺咁多種港式下午茶之中，小編最鍾意食茶記西多士。之前，見過公子茶座嘅下午茶有一口西多士，所以搵日去開九龍灣做嘢時順便去試下。🍽 一口花生醬西多士 配煉奶 😋😋😋😋😋九粒外表炸至金黃色嘅西多士淋上煉奶，望落已經好吸引同邪惡！🤤 兩、三啖一粒啱啱好，咬開見到內裏蛋漿滲入麵包一小層，🥜花生醬喺正中間，每口都有香濃嘅花生醬味。小編覺得西多士配煉奶好適合，會多份奶香甜味！🥛 🍹 椰汁紅豆冰 😋😋😋😋綿綿雪花冰由椰汁打成，唔會因為放太耐融冰而令成杯紅豆冰變得好水，🧉 椰汁好香，底下嘅紅豆幾大粒同有甜度，軟硬亦啱啱好！配下午茶餐只係加十蚊，算係抵飲！下午茶 💵 約港幣$50/人 💁🏻‍♀️ 有時候下晝簡單食份港式下午茶refresh一下都唔錯，而且又唔會好貴！店員好好禮貌之餘，佢哋仲會播放輕快純音樂，真係好少見港式茶座會咁做，坐落都幾chill㗎！🎶最後，喜歡嘅話，歡迎follow @foodirectory.hk！

▫️生炸南乳雞髀配薯條 包熱飲 ($38)雞皮炸到金黃香脆有陣南乳味,入面好Juicy食落唔會乾爭爭, 配埋薯條, 絕配▫️招牌生煎肉餅飯  包熱飲($58)兩面肉餅都煎到脆身, 夠大塊又厚身, 外脆內軟,上面配埋自家製嘅香蔥豉油, 調味適中, 十分惹味▫️一口花生醬西多士配煉奶 包熱飲($35)性價比高, 一碟有9大粒每件好有蛋香味, 中間夾住濃郁嘅花生醬再加埋煉奶, 超級邪惡

🇭🇰公子茶座 九龍灣懷舊茶座💈餐廳位於九龍灣德寶個邊 位置非常易搵🤓裝修企理 行懷舊路線 仲有唔少得意玩具同擺設🕰感覺舒服 寬敞舒適 食物質素不錯👍🏻仲有cold brew 飲 非常值得黎試試😋🍳滑蛋叉燒蝦仁飯(💰$58連餐飲)一上枱先睇到有幾足料幾鐘意佢地有叉燒蝦仁既組合咁就可以唔洗揀 兩隻都食哂😜叉燒同蝦仁都大大件 份量比足叉燒夠腍肥瘦適中 蝦仁飽滿爽身蔥花豉油香口 整個都唔錯🥢公子常餐(💰$48連餐飲)👍🏻推薦同平時既茶記唔同 公子常餐指定薑絲豬潤通粉豬潤大大片偏厚切 食落爽脆 唔過熟鞋口 湯底真係帶薑味 飲落清甜唔腥 配通粉吸哂湯一流😍😍另外跟既炒蛋做到滑身 多士烤得脆身🍞一口花生醬西多士配煉奶(💰$35連餐飲)一口西多士既好處就係唔洗哂時間切包邊既脆邊相對會再多啲 每一粒都可以食到脆邊夾心花生醬比足 配煉奶邢惡又好食幾欣賞佢地西多士唔會炸太耐😋keep 到麵包仲好企身鬆軟 而且份量好多 建議share🫘椰汁紅豆冰(跟餐💰+$10)👍🏻推薦除左主食佢地既特飲都做得不錯佢地既紅豆冰 椰汁底係用左椰汁雪花刨冰去整🧊唔僧愈飲愈淡 紅豆份量都唔少而且成杯飲品唔會係糖水個隻死甜 不錯😆-

.日式咖喱吉列豬扒飯($59)日式甜咖喱煮得岩岩好，唔會好稀或好杰，另外吉列豬扒好大塊，厚切，肉嫩皮脆👍🏼👍🏼👍🏼一口花生醬西多士配煉奶 ($35)呢個等左半個鐘，想催單既時候就黎啦😂都大份，炸得脆，花生醬同煉奶比例剛好，會食唔停，真係好食😋上次食過早餐，今次食午餐+下午茶，都覺得佢啲食物質素唔錯👍🏼地方又夠spacious 👍🏼店員都有禮貌👍🏼.味道 ★ ★ ★ ★ ☆環境 ★ ★ ★ ★ ☆服務 ★ ★ ★ ★ ☆價錢 ★ ★ ★ ★ ☆