翠園 (MOKO新世紀廣場)

营业中

休息中

我爸媽是美心集團的超級粉絲，可惜，它沒有上市，否則，一定買番d股份，做佢股東。星期六日，必定有一餐在美心集團開飯😅這間餐廳轉眼光顧了十幾年，真是時間飛逝，歲月如梭！它的水準....我覺得仍是初初開業時質素較好！現在，就普普通通啦！不過，老爸喜歡，沒有辦法😅星期六日的翠園永遠人山人海😹😹😹由細到大，我最喜歡這個透明點心車，每次經過都讓我情緒高漲、興奮莫名，因為入面承載著我最愛的煎炸點心❤️一貫美心集團水準，不過不失。是日春卷餡料不足，脆皮太厚。我最喜愛的翠園點心❤️這個飯味道不錯，可惜太油膩！

今晚我們去咗旺角新世紀廣場嘅「翠園」食晚飯！我們諗唔到想叫咩食，店員就向我們推介呢個「滙豐信用卡最紅優惠套餐」，有明爐乳豬拼油鷄、龍皇帶子羹、金鑽貴妃蝦球、清蒸沙巴花尾斑、蠔油鮑片扒生菜膽同糖水紫米露！店員話幾抵食，叫我們試吓啦，我們話好啦，嘗試吓啦，點知就上當喇！明爐乳豬拼油鷄嘅賣相完全唔得，乳豬皮一啲都唔脆！龍皇帶子羹超級鹹，鹹到好似倒咗半樽鹽落去煮咁，帶子係仿帶子！金鑽貴妃蝦球嘅蝦球還可以，但炸脆奶嘅炸粉超厚！清蒸沙巴花尾斑係我食過咁多次最差嘅一次，因為條魚係死咗好耐，肉質係「霉」嘅！諗唔到會喺「翠園」咁大集團都會出條咁嘅「霉魚」畀人客食，真係令我們超級失望！蠔油鮑片扒生菜膽嘅茨汁亦係超級鹹！我們另外加咗個一品砂鍋飯，炒飯炒得一啲都唔乾身，好濕，味道又係超級鹹！令到我們終於忍無可忍要求取消！我諗唔到咁多年都咁出名嘅「翠園」今日竟然會出品啲咁差嘅食物，就算一間路邊嘅「大排檔」嘅出品都好過「翠園」！真係令我們超級超級失望！