千葉鳥

营业中

休息中

估唔到天水圍都有性價比咁高嘅日式食堂✨ 內部裝修好日本風💓平時見都大排長龍，難得今日晏就見到唔太多客人，終於有得試一試下了🙈 果然好有驚喜🤙🏻 晏就仲要免收加一🤤三文魚三寶飯 🐟呢個丼飯好正✨ 入面嘅寶分別有三文魚、海鮮沙律、蟹籽同黃金魷魚🦑 呢個飯唔係普通嘅白飯，而係調配過嘅壽司飯嚟嫁，雖然只係普通常見嘅食材，但係鮮味十足🤤吉列豬扒手打烏冬 🐽一直徘徊緊珍珠飯定係手打烏冬好，最後都係揀咗手打烏冬，烏冬口感好彈牙🙈入面仲有粟米粒同海帶，份量都唔少㗎🌽而吉列豬扒外層香脆，肉質鮮嫩，我覺得就算唔點汁都夠哂好味😋手卷 🍣我揀咗三文魚醬油漬同北寄貝沙律，手卷手孖嚟好滿足，飯量唔會太多，紫菜仲要係脆唔係淋嫁芝士年糕 🧀竟然比我發現有芝士年糕嘅蹤影真係太感動啦🥹 炸完即上枱熱辣辣嫁，白雪雪嘅芝士真係好吸引😋入面有超級多芝士餡，啖啖都爆餡咁嘅feel好正🤞🏻包皮薯條 🍟呢個薯條真係不得了🤙🏻 食極都仲有得食，份量點解可以咁多嫁🤣 唔太粗又唔太幼，拎上手唔易斷開兩截🤞🏻 本身配有番茄醬，不過我就中意點沙律醬食啦🤤

為左參觀閨蜜新居，好少入大西北既我都入一入黎，然後佢帶左我黎呢間居酒屋食飯～呢到既裝修都有心思，真係似日本居酒屋既格局，食物種類都幾多，壽司、刺身、燒物、串燒、鍋物、烏冬拉麵、丼飯都有，價錢都幾親民既，而我地今晚想食壽司多啲😬😬極上壽司盛合 ($158)9件壽司、3件卷物、1件玉子整體黎講壽司種類都幾多，壽司飯都押得夠實，唔係用普通既壽司醋，應該用左赤醋，味道更好。三文魚花之戀壽司 ($39)閨蜜話好想食花之戀壽司😆三文魚都幾肥美，食落重油脂味，仲有滿到瀉既蟹子，大滿足。三文魚三寶飯 ($69)閨蜜係三文魚控，我就投其所好陪佢食啦😆三文魚都有好多片，紋路清晰，油脂香濃，仲有魷魚粒、章魚沙律、蟹子，成個刺身丼飯好豐富呀！原味燒日本廣島生蠔 ($47)除左原味燒，仲有芝士焗生蠔、吉列蠔、即開生蠔選擇，而我地想食有燒過既，味道都OK。串燒秋葵 ($19)燒得都唔錯，加上木魚絲，味道更可口。串燒雞軟骨 ($29)燒得幾金黃色幾平均，每粒都大大粒，有嚼勁，咸咸地都幾好食。整體黎講價錢夠親民，又有多種日本料理選擇，都有時令、限定既食物推介，坐得又舒服，氣氛又幾好👍🏼

🔸️ 今次介紹一間天水圍好食日本料理 🔸️ 我哋呢次外賣 質素一樣有保證👍🔸️ 每個主食會送一份小食❗⭐ 三文魚三寶飯 ＄98🔸️ 三文魚大大件 好鮮味 厚切嚟嫁😍總共有六件 份量好多以咁嘅價格 算係好抵食👍推薦指數：⭐⭐⭐⭐⭐⭐ 鱈場蟹柳手打烏冬 ＄88🔸️ 鱈場蟹柳好鮮甜 一口一啖真係好滿足😋烏冬彈牙 湯底係昆布湯清清哋幾好食😊推薦指數：⭐⭐⭐⭐🔸️（小食） 抹茶蕨餅有淡淡抹茶味 抹茶味偏甜蕨餅口感Q彈👍而我個人比較鍾意食苦澀味多啲🙈🔸️（小食） 紫心薯餅外表炸到好香脆 薯餅入面嘅紫薯好飽滿熱辣辣😝💓📍總括而言， 外賣自取有8折好抵呀，而且外賣既質素同堂食差唔多，每個主食仲會送小食添， 如果你對刺身有要求嘅話，呢一間餐廳絕對唔會令你失望❗千葉鳥天水圍天瑞路71-77號天澤商場1樓113E號舖