北海道活壽司 (已結業)

平時如果行開旺角 想食日本野 都會幫襯呢間又就腳 等位唔耐 又唔貴 最緊要味道唔差嘛但生冷嘢前呢 我就習慣食啲熱嘢暖胃先嘅所以就點咗個三文魚湯係 雖然我影得麻麻但飲落真係唔肥膩咖仲好足料 好多魚肉喺裡面好鮮好香再嚟係玉子燒 呢個其實姐係甜蛋哈哈我仲以為係真係鮮蛋燒出嚟嗰隻玉子燒老實講 呢個就普普通通啦食日本野點可以唔食三文魚呢間三文魚新鮮 仲好肥美鰻魚壽司都好正呀 不過我都係鍾意三文魚多啲哈哈睇返先發現手震 沙律好fresh蟹籽都比得好大方好多呀吞拿魚碎軍艦都好新鮮！

每逢糧尾，不敢在飲食上花費太大多，當然要捐窿捐罅尋找平靚正食物啦！周六跟友人原本打算前往旺角站，卻被這家店子吸引著，吸睛原因並非店子的名氣和漂亮的食物照，而是餐牌的超抵價！手頭緊絀的我便直奔進店內。店子位處地庫，地方偌大，因此在周末時候也不用排隊等位。午餐價格都在100元內，最後我和友人各自揀選了一個午餐。我們都是三文魚捧場客，今次以平價食勻多種三文魚壽司！雖然價錢低，但三文魚的質素超乎預期的好，魚內無筋，魚腩更滲透著油香，當中以灑上洋蔥的灸燒三文魚壽司最為優勝，洋蔥的清新中和了三文魚腩的油膩，而黑椒三文魚壽司亦屬中上之作。甜蝦壽司則屬一般。至於壽司飯略為鬆散。和牛壽司的牛肉份量十足，但在平民食店中挑選矜貴的和牛壽司，期望不能太高，所以下次應該不會再點了午餐的組合任意配搭，我們選了能提供飽肚感的卷物——青瓜卷及三文魚卷，這裡的三文魚壽司很便宜，質素也不大差。店內衛生尚待改善，場內見到一隻強壯的烏蠅停留在豉油碟上，有食客即時投訴，一位侍應純熟地將烏蠅殲滅… 另外，午餐牌上寫明套餐附送特色飲品，但我們點餐牌上的「特色飲品」，店員竟說只有汽水，如果套餐內容真的改了，店員應該一早提醒，盡早更改

印象中好似第一次黎食，唔駛等位就入得。望落個餐牌款式都算好多，除咗壽司手卷之外，都有好多小食熱食同甜品。今日唔算好餓，先試幾款壽司先。三文魚壽司 – 抵食之選!!$45有十件~可以要$27都有6件!唔可以話好肥美，但呢個價錢食到呢個質素都已經好OK~燒三文魚芝士海膽卷- 好正! 配搭得唔錯，食落覺得好豐富~燒蟹柳芝士- 一般，唔太特別，冇咩芝士香味~鰻魚卷- 唔錯，鰻魚味十足!海鮮沙律壽司- 不過不失。腐皮海鮮- 海鮮略嫌太少，飯就夠晒大舊!蟹肉沙律軍艦- 料多，味道唔錯!牛油果軟彀蟹卷- 飯太散，包得唔好唔夠實，味道都OK~二個人食咗二百蚊都唔算太貴，其實質素算唔錯，而且環境都舒服，可以 一試~