城八日本料理

营业中

休息中

疫情緩和,終於約到三個老死肯出來大擦一餐!!今次來到城八哩間隠世日本料理! 好掛住佢啲刺身!!來到先知原來城八請咗個日本師傅坐鎮. 唔理,首先來個燉蛋,真係估唔好食到噉,香滑到停唔到口,個friend連食兩個先至夠喉!!三文魚籽壽司, my favor, 粒粒晶瑩剔透,在口中一粒粒爆開,鮮美漿汁撈埋飯團,叫完又encall,我一個人食咗3件都仲想食燒牛扒比以前更鮮嫩多汁刺身拼盤一樣吸引,我地叫咗海膽,Toro, 牡丹蝦,赤貝,左口.......樣樣都鮮美無比, 真不愧日本直送.仲有鹽燒喜之次,肉質嫩滑多汁,用來送sake一流可惜炸雞就一般般,雖然里面肉質夠嫩,但係外面就唔夠脆皮, 有待改善~~不過整體無論食材還是服務都令人非常滿意,值得一食再食!!!

城八係一間隠世高級傳統日本餐廳, 位置私隠度一流, 位於棉登徑最盡頭, 遠離煩擾! 需要客人自己趟門而入, 係一個非常好嘅用餐地方, 給人好溫暖嘅感覺。城八所用材料都係日本直接採購, 新鮮地道。