魚屋

营业中

休息中

已經好一陣子冇嚟食魚生飯，以往一個月頭總會嚟食一兩次午餐，貪佢價錢平，而且質素高。由於係一田入面嘅美食區，座位數量唔多，以吧枱形式用餐，本來可以望到食物嘅製作過程，可能因為疫情關係，餐牌被放喺較高嘅位置，喺而家人人面壁用膳嘅情況下反而成為優勢，感覺比較衛生。食物選擇非常豐富，唔同嘅魚生組合都可以喺度搵到，仲可以追加配搭其他刺身。同一般food court一樣，點餐後會收到一個傳呼器，亮燈後就可以去取餐。呢個海鮮丼係我每次必叫，衡量過刺身嘅種類同數量後，呢個組合係我認為最平靚正嘅選擇，基本上有齊哂我想食嘅刺身，而且玉子蛋亦已經變成我最鍾意嘅蔥玉子燒。海膽夠新鮮，味道鮮甜，質感細膩，食咗咁多次從未令我失望。帆立貝肥美鮮嫩，口感細緻。赤蝦亦係大大隻，肉質通透，味道鮮甜。先生揀嘅三文魚赤蝦丼亦同樣優質，雖然刺身種類較少，但勝在性價比高。跟餐附送嘅麵豉湯水準甚高，味道香濃有層次，而且材料豐富，有昆布、紅蘿蔔、白蘿蔔同三文魚，同一般沖泡式嘅現成麵豉湯冇得比！百零蚊甚至幾十蚊就可以享用到咁優質嘅魚生飯，性價比極高，同區嚟講真係不二之選！

與老公逛一田超市時見很多人在等位而且望到人家點的食物很吸引決定一試!!這裡是要自行找座位等位的有座位時才去購票點餐是吧枱式設計的座位我們都等了30鐘左右才有位啊!所以只限2人去吃會比較容易等到位呢~~點了2人餐A餐($308)另加一客燒帶子($48)率先送上兩大碗熱呼呼的三文魚味增湯湯的溫度很高,,擁有貓舌的我,,幾乎吃完所有其他食物才喝得下啊!湯的味增味不夠濃,,卻很足料!!用上三文魚肉﹑紅蘿蔔﹑白蘿蔔﹑昆布來熬製喝得到鮮甜味!!燒帶子有4粒帶子很大隻,,惟醬汁不夠入味!!2人餐包有三文魚赤蝦丼及海鮮丼海鮮丼有三文魚﹑三文魚子﹑赤蝦﹑海膽﹑帆立貝﹑蟹籽﹑蟹柳用料同樣豐富各款刺身的味道都很鮮甜呢!醋飯的溫度及味道都恰到好處,,味道不會太酸啊!芝士龍蝦燒得很香芝士味~~龍蝦新鮮,,肉質爽!而且也有很多膏啊!!正!!燒赤蝦燒得鹹鹹香香的,,很惹味!!赤蝦的肉質也很彈牙爽口啊!300元左右便能吃到兩碗刺身丼及一隻龍蝦性價比挺高!!