101肉燥飯專門店 (厚福街) (已結業)

每次去到尖沙咀諗唔到食乜就會食呢一間, 貪佢夠平, 又多選擇, 食物又大份😂最抵食就係個牛肉涮涮鍋,都係$63,有三至四舊紅燒牛肉,仲有肥牛,同埋大量蔬菜配料, 例如魚餅鴨血玉子豆腐,絕對抵食過連鎖快餐店嘅邊爐。而且仲可以揀辣嘅湯底或者牛肉湯最後加埋個面落去打邊爐其實就係平時嘅牛肉麵食物質素保持得幾好兩次食都冇乜分別。麻辣手撕雞拌麵麵質好彈牙, 手撕雞份量都好多, 有麻椒味, 只係略嫌麻醬太多, 食完好漏, 不過味道真係幾好。三杯雞肉燥飯肉燥飯比較甜,好多汁所以好好味, 不過三杯雞就比較碎, 而且雞肉有少少鞋口, 所以麻麻哋,不過飯粒煮得剛剛好。

因為比賽關係, 差不多每個星期都要到尖沙咀一次, 厚福街簡直係常去, 基於趕住準備比賽, 多數都會揀D快餐店形式既餐廳, 101肉燥飯專門店經過好多次, 今日就揀左佢黎試試我揀既係瑞士汁雞扒蔥油撈麵, 其實係唔差架, 個瑞士汁雞扒唔錯, 雞扒好滑, 瑞士汁唔錯夠香, 蔥油撈麵唔係度度都有得食, 所以見到都好想試, 蔥油勁香, 但個麵做得唔係咁好, 食落有D硬, 但又濕濕地, 如果個麵好D就正喇男友揀既係三杯雞肉燥飯, 同朋友揀既係豬扒肉燥飯, 三杯雞食落唔係台式既三杯雞, 唔夠惹味, 肉燥唔差, 但都係同台式有D出入, 豬扒就好普通另外叫左個炭燒豬頸肉, 唔係講少, 好佩服師傅刀工, 竟然可以將個豬頸肉切到咁薄薄到好似豬肉紙咁, 連食落都好似豬肉紙, 豬頸肉應有既口感冇左, 而且燒得過左火, 要點醬先食到如果睇埋價錢同地理位置, 可以叫做唔錯既選擇, 不過你話係咪好食就見人見至啦

由於大家住得太近同太懶既關係，我地呢班好友係好耐好耐好耐無出過去食飯，終日停留在自己鄉下食....為左好姊妹辦喜事，今日我地終於出省城尖沙咀行街同食晚飯了😂😂😂😂😂👏好開心吖！我都來過101肉燥飯專門店食過N次都真係覺得不錯，所以就介紹佢地去食了。一去到就有位，正！聞到餐廳內既香味加埋睇到個餐牌，已經垂涎三尺👍上菜速度好快，哈哈。開餐去相。。。四個人。三飯·一鍋·兩小食·肉燥依然係好好味。·今日試左炭燒豬頸肉，味道不錯。·玉子味道ok，不太驚喜。 ·三杯雞同個鍋我就無試食了。·花枝丸太粉了，如果用內有墨魚肉既丸炸，應該會好食啲。·芝士薯角個醬一般般好味👎。·餐飲點左珍珠奶茶好淡，我個杯吾甜的😢