爆丼屋 (山東街)

营业中

休息中

呢度特色係師傅會將魚生堆砌成小山丘，造型吸引，打卡一流。餐廳提供丼飯、壽司、手卷、炸物、燒物同飲品，每個盛丼都會附送味噌湯。三色海膽盛丼 $358呢個丼飯真係好啱海膽控既朋友😍 一個丼飯有哂3款地方嘅海膽，份量多，食完大滿足！👦🏻❤️韓國海膽呈橙黃色，味道濃郁及甘甜。加拿大海膽呈橘黃色，最大片，近睇見到卵子顆粒分明，味道甘甘地。👧🏻❤️北海道海膽呈深橙色，細細粒，味道濃郁甘香，質感好creamy。三段重大極上丼 $398最上層係海膽，非常鮮甜而且質感creamy。中間鋪咗幾片拖羅🐟，色澤粉嫩，充滿油香。下層係松葉蟹肉，拆肉碎上，啖啖蟹肉嘅鮮甜味🦀，真係令人回味無窮！白桃乳酸 $35白桃味清甜加乳酸味嘅味道，甜甜酸酸幾開胃🍑。菠蘿味波子汽水 $28有菠蘿既甜味，飲落好清爽🍍📍 爆丼屋 (山東街) (旺角)旺角山東街57號地下

其實爆丼屋一直都係我地係旺角食丼飯嘅飯堂，知佢地搬咗去山東街，但一直未有機會去食返佢，今日一於去飯堂食返個勁爆丼飯先😍三段重大極上丼 $390大量粉紅色嘅拖羅覆蓋住個飯，上面仲有一大堆海膽，碗邊亦有大量蟹肉，睇見都爽歪歪😍 拖羅油脂超豐富，入口即溶亦無筋，海膽鮮甜到震，而且零明礬味，蟹肉撈飯增加口感🤤🤤 呢個丼飯私心大推😌😌炙燒七級魚蝦蟹丼 $298呢個丼簡直係海鮮交響曲，一個丼飯有齊松葉蟹腳，白身魚，帆立貝，赤蝦，拖羅，三文魚腩，三文魚籽，每款刺身都相當厚切，亦都鮮甜無比😘比起舊鋪，呢度嘅裝修更加和風，更加吸睛，燈光亦比較光亮，坐位亦都比以前寛闊，加埋高質嘅刺身丼飯，真係會成日心思思去食🤣

星期二同老公去還完衫之後，去爆丼屋食lunch醫肚。首先送上麵豉湯，我覺得幾好飲，唔會過鹹，岩岩好。制霸！鵝肝海鮮盛丼材料好豐富，有鵝肝、海膽、三文魚籽、黑魚籽、玉子、火炙帶子，仲有蛋黃俾你撈飯食。全部魚生都新鮮，下面係一大碗醋米飯。三段重大極上丼好奢華，大量吞拿魚、鮮蟹肉、海膽，好鮮甜肥美，超級滿足。泡泡浴沙冰上面吱左幼滑既忌廉同甜甜既爆谷，飲落係雲尼拿咪口，打成幼冰。朱古力沙冰冰粒相比添比較粗粒，好邪惡，透心涼。

今日路過山東街，見到呢間<爆丼屋>不禁令我勁想食刺身，再加上實在太掛住日本啦🥺一於決定入去開餐店內樓底夠高，配上雲朵燈，加上每枱都有適當距離，令人感覺舒服😌🐟三段重大極上丼 吞拿魚腩加日本海膽 ，呢碗丼材料果然夠哂澎湃，未食已經令人好興奮🤩即刻要品嚐下吞拿魚腩先，食入口魚香味夠哂濃郁😜整個口腔已經被魚腩嘅油脂俘虜咗😊非常滿足！而日本海膽亦都好鮮甜，令人再三回味😋🐧制霸！鵝肝海鮮盛丼 海膽同樣夠哂鮮甜，又無腥味！帶子夠肥美，加上極厚鵝肝，配上少許芝麻襯托，入口即時溶化！碗丼有少少熱度，配上蛋漿，心中大叫「好好食呀！」🍧泡泡浴沙冰 呢杯飲品嘅賣相好特別😍淺藍色加上軟滑嘅忌廉，仲有鋪上少量焦糖爆谷，賣相真好似藍天與白雲一樣！我誓要將天空飲落肚🤣味道又唔會太甜，而且仲好解渴👍🏻🍨芒果魚缸沙冰 嘩🤩呢杯飲品大到真係可以放到條金魚落去游咁🤪唔怪之得叫做魚缸沙冰啦！豐富嘅芒果肉，沙冰仲要打得好幼細，加上忌廉，令到整杯沙冰勁軟滑