大川滬 (裝修中)

今晚一行六人晚聚會，六點後中港城猶如死城般，好多店舖都已經關門，只剩低食肆😅但都有好處嘅就係停車場夠多位，對於揸車人士嚟講都算係好事～店舖座位唔算好多，但係店員人手唔夠，成個場得三人，要上菜下單埋單執枱～但下單後出餸時間剛好特別稱讚好食嘅係「酸菜魚」、「上海粗炒」酸菜魚味道比例啱啱好，我自己本身唔係好號酸菜魚呢味餸，但係試過都覺得好食，魚片大嚿夠滑～而上海粗炒都全部食晒，一d 都無剩餘但感到失色既係「黃金炒飯」，原本對呢個餸菜好有期望，以為應該會好似黃金蝦球咁惹味🥹但最後出到嚟就好似「楊州炒飯」至於其他都食物都唔錯～總括嚟講都應該會encore

一家人慶祝母親節，最緊要食得開心，估唔到今次有驚喜。本身早幾日先知限聚令放寬，即刻周圍搵餐廳訂位，估唔到咁啱撞手神見到一間係中港城，又有圓枱，而且免費泊車（$300以上就3小時）。估唔到呢間原來係小店，本身在土瓜灣北帝街被迫遷，結果落戶在中港城。老闆娘同食客打成一片，用心做好食物，真心希望每個客人食得開心。師父亦都係老師傅，做出上海的那種風味，不是別的連鎖餐廳可以比擬。其中推介蔥油雞，紅油抄手，酸菜魚，粗炒，蔥爆牛肉。雖然許多都是尋常上海菜館菜色，但是味道絕不簡單。老闆娘說當中有一道菜是要人手逐片逐片撕開荀，這些手工菜式，極度花時間，現在已經絕無僅有。但是師父希望香港人能夠食到以前上海味道，還是用心花時間去做。我們要好好保留這些巧手菜色，還有這一份人情味。很久也沒有真正去到一間用心製作，真心待客，悉心安排的餐廳。謝謝大川滬的每一位為我們帶來一個非常愉快的晚上。