翡翠拉麵小籠包 (已結業)

今晚同朋友喺尖沙咀行完街就想搵個好地方食飯 估唔到喺尖沙咀都有唔貴又好味嘅選擇首先我地就嗌左一籠上海小籠包小籠包隻隻都皮薄餡靚 而且唔會一夾就穿 輕輕一咬啲湯汁就流哂出黎 加埋好好味嘅肉餡 兩者充滿住我嘅口腔 勁正淨係食小籠包緊係唔夠啦 於是我地就嗌多左2個主食上海粗炒好足料又好夠味 配料同麵嘅比例啱啱好 食到停唔到食完比較濃味嘅上海粗炒之後 就嗌左個清清地嘅上海排骨三角麵炸排骨好好味 香脆可口 炸粉唔會太厚 而且好嫩滑 熱辣辣又充滿肉汁 食落又無肥膩嘅感覺個三角麵慢慢食嘅時候真係feel到啲角 個感覺好得意題外話 呢間食肆嘅姐姐服務態度都唔錯 果晚隔離枱有兩個外國人落單 姐姐好落力咁同佢地解釋 幫佢地 好可愛

有日同朋友食晚餐，想食上海菜所以就去左附近呢間。對上一次食係上年4月，今次再食水準依然。而且好似翻新左入面，但好似被之前逼少少。招牌菜水準食依然，但推介菜式麻麻地....叫左個小籠包之後再叫左個上海粗炒 (雖然知道呢個並唔係來自上海，但無所謂啦，我地都中意食所以嗌左)幾好食之後我地見到有個推介餐牌仔係張枱度，貪新鮮，我自己又好中意食蝦，所以嗌左。本身最期待係呢碟蝦，點知最失望係佢，最貴亦係佢。無咩蝦味，太多粉，而且咸到我食完一舊就擺低左無食今次教訓我唔好亂試所謂推介

其實以而家香港嘅物價黎講，兩個人食三百零蚊算好抵食。翡翠拉麵小籠包，多人就一定架嗽，不過今次等位出奇地快。入到去二話不說點左醉雞，脆鱔，小籠飽同上海粗炒。選擇食翡翠拉麵小籠包係因為佢嘅口味比較大眾化，味道唔會太重。平時食開嘅霸王山莊就唔一定個個都啱食。醉雞：酒味有但唔算重，雞肉嫩滑。脆鱔：一食就知新鮮炸好，味道香口，但食太多會覺得好甜小籠飽：唔會話特別好食但又唔會覺得失望，水準平平。入黎唔食小籠飽又好似怪怪的上海粗炒：上面嘅椰菜實在太好食喇，全碟都好食但真正嘅意義在於椰菜店內嬸嬸服務態度一流，算食得幾開心嘅一餐。