九記牛腩

营业中

休息中

之前去過幾次去食其他食店，家人一直嚷着要食九記牛腩，昨天終於在晚市時段去光顧。平日的晚上六時多，人流不多，順利入座。三人行，已經沒有河粉供應。各自叫了牛腩伊麵、牛腩粗麵，及後家人忍唔住追加了一份咖喱牛腩伊麵。咁嘅情況，唔使講，都知道一定係好食啦！牛腩鬆軟可口，伊麵不是太油，棉質甘香可口，粗麵沒有鹼水味，咖喱味濃香，湯底清香濃郁，店員告訴我們他們只選用了牛做湯底。（因為有一些其他小店，會加了豬骨做湯底的，由於我自己不食豬肉，所以對此多作特別查詢）喜愛清淡的我，略嫌偏鹹。食後還是有一點口乾，不知有沒有請「師傅到」。不太喜愛蔥花的我，對他們在麵上加的蔥花，感覺是靈魂的所在！$60-$65一碗，份量十足！地方整體乾淨企理，只收現金，沒有免費茶水供應，飲品也不便宜，凍檸茶$26。營業時間為12點至晚間10點左右，星期日及公眾假期休息。應該都是上了岸的小店，舊有的味道，還是需要多珍惜，有機會總要去多幾次！

多次於附近出沒，都未有試過九記牛腩，是日正好與友人一起放假，趁著午市過後人潮減退之時才到，避開長長的人龍。我們要了一個撈麵及一個湯麵。先說牛腩，腩肉是鬆化的，夾雜著筋位，咬下腍中有爽，滷得入味；惟只有數小件，不夠喉。粗麵灼得不錯，未為過腍，混進蠔油很好吃。上湯牛腩粗麵都是同樣的東西，不過牛腩呈碎狀，散修修的不及一件件的滋味。浸在湯裡的粗麵亦爽彈，湯底沒甚麼味，需加些辣椒油才令整碗麵的食味提升。一直拭目以待要嚐的馳名牛腩，絕非不好，只是未有驚喜的元素，感覺平庸。

有台灣嘅朋友黎香港玩，佢地睇旅遊書推介紹要試下呢間九記牛腩，所以我就同佢地一齊黎食。九記牛腩都幾出名，去到嘅時候都有十幾個人等緊位。因為我地係撘枱坐，所以等候時間都只不過大約10分鐘。位置唔多，坐得有啲迫，不過就幾有地道風味。上湯牛腩粗麵呢個麵睇落細細碗，但原來份量都幾大。啲牛腩真係好好食！「諗」得黎又唔會散開，而且非常入味。個湯都好好飲，濃得黎又唔會有味精味，飲完都唔覺口渴。之前聽聞佢地伙計態度麻麼，但我去個日啲伙計好風趣，仲會同客人吹水講笑，可以感受到點點人情味。

晚上眼見中環一間店舖有一條人龍，所以好期去一試，試左一碗上湯牛腩粗，味道十分好味，味道唔濃，牛腩十分軟，食完唔會口渴，有衝動想叫多一碗，但一碗都 夠飽，所以無再叫，人流雖然好多，但味道好吸引，決定會再幫襯

因為港島有條人力車觀光巴士線可以坐住開篷巴士遊覽中西區多個歷史景點咁大個女都未坐過開篷巴士星期六就相約貧友一齊坐下巴士有好多個點可以落車, 再上返車行到攰, 貧友想試傳說中o既九記我地就入左黎試下其實o係中環返工多年因為lunch time太多人加上我對牛腩興趣不大所以一直冇食過星期6的15:xx雖然入面坐滿晒但因為我地得2個人好快就可以入座因為係港式魚蛋檔格局所以入面都係坐得比較迫侍應會盡量插到每張枱都坐滿人上湯牛腩粗麵($38)粗麵軟硬度適中, 唔會過林上湯味道比較清淡如果叫咖哩應該好味d來到主腳牛腩, 肉質好鞋, 同埋好痴牙坦白講, 我食牛腩o既次數可能5次都冇唔識分咩係好咩係唔好但肉質又鞋又每一啖都痴牙真係唔覺得有咩咁好食咖哩筋腩撈河粉($50)朋友點左咖哩話好夠辣食得好過癮我冇食過咖哩湯底冇得比較不過似乎咖哩應該好食d而有次星期六食對面間番茄麵12:00九記未開門已經有一條人龍o係度排隊貧友話d人係排牛坑腩話牛坑腩好食d因為係限量, 賣晒就冇不過我已經冇動力再幫趁了