Mille Mele Tokyo (已結業)

一直都聽聞有間超好食既蘋果批店開左係美麗華附近😋😋今日終於可以初嘗啦🍎🍎本身自己唔太好食蘋果批類既甜點，但今次為左寫食評同太多朋友大讚，最後都決定一試！一啖咬落去真係超香口，由其係個酥皮！令你會覺得想再食多啖既感覺！ 食到戲肉，當然係入面既蘋果批啦🔆🔆果然係世界一，係香甜既口感，仲要唔算係食完好漏個種口感，由其係我呢啲唔太好蘋果批既人，真係值得一試👍總括，我下次再經過都會買多次食😋😋😋

諗住買啲宵夜返屋企開心share，去完美麗華咁啱見到呢間開正喺出面嘅Mille Mele Tokyo，之前上網亦都有睇過推介話係日本過江龍，於是就決定買兩個小批，滿心期待地試吓喇！😆🍎 世界一蘋果批 $36/1pcs ($138/4pcs)💯 評分：🌕🌕🌕🌕🌕 (5/5)💬 要食又點少得舖頭嘅招牌呢？蘋果粒粒香甜，質感有啲似蘆薈，入口即溶好正～吉士醬都夠幼滑，忌廉味濃郁得嚟唔會太膩。批皮未烘返熱已經幾好食，焗完之後外脆內軟，層次勁豐富超級好味！🤤🍌 朱古力香蕉批 $38/1pcs ($142/4pcs)💯 評分：🌕🌕🌕🌕🌕 (5/5)💬 呢一款真係青出於藍，食過之後返唔到轉頭！朱古力味唔會得個死甜，質感好濃厚好creamy。香蕉食落軟綿綿，夾埋朱古力醬感覺更加清新！批皮同蘋果批一樣冇得頂，空溫或者暖暖笠食都好味！😋

「世界一の焼きたてパイ」來自東京橫濱，見到個朵打算試一試，進店舖看到價錢和實物偏細，的確令人卻步。店舖內座位不多，由客人進食後自行處理垃圾，大部分人都沒有收拾枱面食物碎，所以不要期望座位好乾淨。*世界一蘋果批 $36蘋果批外層焗得金黃，微微的熱，酥皮口感少少酥脆，略嫌批身較薄。內餡以吉士忌廉、豆乳忌廉及日本直送厚切蜜餞富士蘋果粒製成，吉士醬好幼滑，甜而不膩，蘋果的份量不多，帶有微微蘋果酸，整體口感同味道都沒有十分驚艷。

行完尖沙咀Donki，喺出口附近發現有間來自日本嘅蘋果批店，仲寫住係世界第一嘅蘋果批，而且仲係新鮮即製，鍾意食蘋果批嘅我梗係唔使諗買返屋企試吓啦，店舖職員會將個批焗好，當有人購買嘅時候再加入吉士醬，咁就可以保持個酥皮鬆脆，唔會因為吉士醬係入邊而變淋左$36唔算特別平，亦唔算好大舊，但我覺得真係好食，我會願意再買，我最怕個批好似牛角包咁凍咗會軟晒出晒油，但係佢攞到返屋企都依然係有批既質地，入面食到一粒粒嘅蘋果，吉士醬亦好滑，配合一齊食十分夾

世界一蘋果批 $36🍎批製作需時 需要耐心等候一陣先有得拎 拎上手熱辣辣 唔使除口罩都已經聞到好香蘋果同吉士味🤤蘋果批既外皮呈金黃色 中間有滿滿既蘋果肉同吉士醬😋而食落酥皮好酥脆 中間有酸酸甜甜既吉士醬同豆乳味既忌廉比較特別 仲有細細粒好爽口既富士蘋果粒 成個層次非口分明豐富 而且冇好膩既感覺 連唔鐘意食甜品既朋友都讚好食 不愧為世界第一🤩評分: 9.5/10🌟牛油千層一口酥 $38上次食完又冇影低相 今次影返店家既補數🤣呢個係採用多層酥皮堆疊和在表面加上糖漿的方法造成小小既一口酥口感酥軟香脆 甜甜地好適合用黎做小食 不消五分鐘就將整杯消滅哂了😆不過食完記住補充足夠既水份 一口酥有少少太甜食多會鎖口同有啲熱氣😵評分: 9/10🌟—————————————————————————Mille Mele Tokyo (尖沙咀)尖沙咀彌敦道118號Mira Mall地下G65號舖Mille Mele Tokyo (銅鑼灣)銅鑼灣霎東街33號地下4B號舖

📍 Mille Mele Tokyo📍 尖沙咀 • 彌敦道118號Mira Mall地下G65號舖《Mille Mele Tokyo》蘋果批專門店日前進駐香港銅鑼灣，最近更在尖沙咀開分店。人稱"World’s no. 1 apple pie 世界第一蘋果批"，到底孰真孰假？！World’s no. 1 apple pie 世界一蘋果批  ($36/pc; $138/4 pcs)$36一件大大的蘋果批；$138四件，而且有盒子盛載，看上去蠻得體🎁剛出爐還熱呼呼的時候最新鮮、最好吃🔥若是拿回家品嚐的話，也可以先烤熱，還原剛烤好的狀態喔～蘋果批的外皮呈金黃色、層次分明，賞心悅目。蘋果批吃上去非常酥脆；配上酸酸甜甜的吉士醬和豆乳味忌廉，不會有很膩的感覺；還有小顆的富士蘋果粒，沒有我最討厭的很爛的口感，反而滿爽口🍎味道口感層次都很豐富喔！😋Butter mille feuille 牛油千層一口酥 ($38)酥皮多層堆叠，加上糖漿，做成小小的一口酥。酥化香脆，適合當零食～拿去當派對零食，朋友不夠三分鐘就把它們全消滅了🤣-Menu:

尋日喺尖沙咀收工咁岩經過，見到世界一蘋果批終於開咗啦，可能因為疫症嘅關係竟然冇咩人龍，見夜晚經過都冇人排隊，而入邊仲有野買嘅時候，梗係要去買嚟試試啦！店舖設計勁細心好開心買蘋果批仲可以飲咖啡，可能驚大家食蘋果係覺得太你或者太甜，要咖啡嚟中和下。買完之後行咗成10分鐘先醒起要趁熱食喎！是但搵個空曠嘅地方，除低個口罩食個蘋果批先！可能因為年紀大嘅關係，開始好enjoy食辣口嘅食物，呢個蘋果批嘅溫度令我有驚喜！咬入去外脆內軟，牛油唔會膩到飛起，麵粉勁香，加上一粒粒富士蘋果肉，湧出黎吉士醬同埋豆乳忌廉，熱住都唔會成水墮，細節位認真！另外買埋迷你版千層蘋果脆粒，拎左返屋企同屋企人分享，我個人來講覺得佢真係有啲甜，但係好鍾意食甜王啊妹表示⋯⋯好正！放棄左手上包薯片一粒粒隊入口！外邊糖漿好趣，入邊嘅酥皮做得非常之好勁香口，可能拎到返屋企已經凍咗，我哋試吓將佢放喺焗爐入邊焗一陣睇吓有咩效果，結果太熱都係要放涼少少先，個表皮糖漿更脆，係入邊熱完仲香牛油味，加倍滋味🤣🤣