影片
更多
2023-01-31
659 浏览
難得Book到場夜晚喺伊館打波，做運動前先提早食個晚餐。我哋直接喺附近搵食，其中公園仔旁邊轉角位有間餐廳，名叫「岳川串揚」。從外面睇都大約估到係食日本野🎌，入到去確定店舖面積唔大，一眼睇晒，就連廚房都係半開放式，不過佢抽風OK，所以食完個身都無大一浸味。餐廳主打嘅食物係「串揚」，起源自大阪關西，即係沾上炸漿油炸嘅串燒🍢，喺香港真係無幾多間餐廳有得食。凡菜單上有個「揚」字，就係指串揚款式。呢度定價屬合理水平，晚市人均消費約$300，而中午就有午餐供應。北海道帶子三文魚籽(揚)($40)，食物同圖片一樣吸引😍，店員建議我哋要即食，因為帶子耐咗會出水。北海道帶子係刺身級別，所以唔使整到全熟，保持鮮甜。佢另外仲配以三文魚籽同忌廉芝士，成個組合好正。北海道天使蝦(揚)($48)以及紫蘇魷魚卷(揚)($30)，🦐天使蝦本身係靚貨，肉質爽彈唔腥，而且炸完之後連殼都變脆、食得埋，調味用上經蝦提煉嘅鹽。🦑紫蘇魷魚卷比較迷你，有三粒。魷魚質感唔韌，入面包裹一片紫蘇葉，再加埋面頭嘅柚子胡椒，食落清新。我哋另外仲食咗三款串揚😆，分別係雞胸軟骨($35)(揚)、豚肉蘆筍卷($35)(揚)同埋洋蔥($18)(揚)
難得Book到場夜晚喺伊館打波，做運動前先提早食個晚餐。我哋直接喺附近搵食，其中公園仔旁邊轉角位有間餐廳，名叫「岳川串揚」。從外面睇都大約估到係食日本野🎌，入到去確定店舖面積唔大，一眼睇晒，就連廚房都係半開放式，不過佢抽風OK，所以食完個身都無大一浸味。
餐廳主打嘅食物係「串揚」，起源自大阪關西，即係沾上炸漿油炸嘅串燒🍢，喺香港真係無幾多間餐廳有得食。凡菜單上有個「揚」字，就係指串揚款式。呢度定價屬合理水平，晚市人均消費約$300，而中午就有午餐供應。
北海道帶子三文魚籽(揚)
$40
22 浏览
0 赞好
0 留言
紫蘇魷魚卷(揚)
$30
15 浏览
0 赞好
0 留言
串揚
20 浏览
0 赞好
0 留言
燒牛肉金菇卷($38)，呢串就係普通嘅串燒，🐮肥牛包住金菇，食落多汁，簡單用七味粉調味已經唔錯。
日式磯煮鮑魚伴蘿蔔($48)，磯煮鮑魚唔算細隻，鮑魚醃得幾入味，如果多少少甜味更正。餐廳好細心💕，會將鮑魚同蘿蔔一分為二，所以我同朋友Share一件都無問題。
招牌大阪土手燒牛舌
$78
13 浏览
0 赞好
0 留言
關東煮
$78
12 浏览
0 赞好
0 留言
櫻花蝦湯蕎麥麵($58/熱)，驚唔飽肚所以嗌咗碗麵🍜，蕎麥麵麵條分明，軟硬適中，兼且都算大碗。櫻花蝦熱湯味道雖清淡，但滲出微微櫻花蝦香。
蘋果梳打($48)，由於陣間打波，所以費事飲酒，但其實門口位置有一大個清酒櫃同一堆酒杯，好似居酒屋咁🏮，加上做緊Happy Hour優惠，實在令人心郁。我嗌嘅梳打都幾好飲，🍎似無酒精嘅蘋果酒，唔會太甜。
總括嚟講，呢間隱世串揚小店令人眼前一亮👍，每款食物都好味道，佢嘅串揚緊係掂，無負專門店之名。小店好適合一班朋友吹下水、食啲嘢，我走嘅時候仲見到有客想坐出面添，食得更盡興。
张贴
