回到味來 (已結業)

兩條友突然間想食雞煲,近近地就試呢間~有$188同$248兩款,後者多左個海鮮串燒;嗌左個唔辣雞煲,等雞煲期間嗌左D串燒試~雞皮唔夠脆,多春魚燒得夠香口,翠玉瓜裡面都有汁的; 燒帆立貝面有好多蒜,反而蓋左味,帆立貝亦都比較乾...雞煲裡面除左雞仲有D排骨~雞煲係入味的,不過有種紅燒豬軟骨的味;雞塊比較細粒,而且骨殼多,肉少~食完個雞煲可以換另一款火鍋湯底,揀左皮蛋芫荽清湯, 送的牛頸脊好重肉味;但其他的火鍋配料真係好一般...肥牛長期無...羊肉唔係太重羶味飲品其實都多,分罐裝同類似台式飲品;嗌左蘋果醋,可以解膩講真如果$248係咁既質素,真係有少少失望, 但侍應哥哥仔服務態度真係幾好~$248一位

是日女友放假，當然係就我出旺角食啦⋯⋯琴晚食完泰國嘢，今日食返個雞煲先😋上網睇到依間回到味來好特別，好少任食火鍋可以無限添加雞煲，仲有串燒任點任食，仲要有台式飲品任飲，勁到不行👍🏻所以梗係要試吓啦😆Book咗7:00準時到達，有一點好特別，就係佢哋嘅侍應都係好後生嘅男仔，大概25歲左右，一般年輕人做飲食業比人感覺都係比較求其，但係依班後生仔又有禮貌、見到D野食未到會主動出聲去催，又有笑容，完全無黑面，我唔知時間食過咗鐘少少都無咋形，更過份係比我食埋幾串串燒🥰🥰態度真係完全冇得彈👍🏻👍🏻👍🏻👍🏻👍🏻雞煲非常之入味，兩個人比一隻雞，好多時出面其他任食火鍋都係比半隻，但係佢哋雞煲可以無限添加，所以直接比一隻雞😆我覺得唔係雪藏雞添，如果係冰鮮雞成本真係好高😲芫荽皮蛋湯底，非常足料，入面起碼有兩隻皮蛋👍🏻牛頸脊，牛味濃郁，唔係一般肥牛可以比較😋串燒一啲都唔馬虎，食咗咁多串，返到屋企都唔需要狂飲水，非常難得😂雞子，我係一個雞子迷，一望就知道夠新鮮😄翡翠螺、生蠔真係冇得頂，出面燒一隻我諗都要$20-$30 ，呢度係任叫任食👍🏻👍🏻如果係大胃王，仲有個出前一丁任食，不過我同女友已經投咗降，每樣食少少都

男朋友話黎食這間雞煲火鍋串燒放題，一次過食哂3樣野！首先有2個價錢選擇，分別在串燒有無海鮮，而海鮮有燒生蠔、燒螺、燒魚、燒扇貝、燒帆立貝等共8款，是任食任點。串燒是寫紙紙數目比侍應哥哥的，我們坐下來就點串燒了，因為即點即燒，所以要點時間。我推薦燒紅腸、燒秋刀魚、燒扇貝，如果有燒菠蘿就更正，但微微咸了點飲品有台式的：多款選擇，如：奶蓋、珍珠奶茶、QQ口感、蘋果醋等等，另外的汽水、韓式罐裝飲料、烏龍茶等在下面雪櫃可自取，更有樽樽的竹庶茅根、熱水等。侍應哥哥細心解釋後，我們就選了惡魔雞煲（少辣）三選一（卜卜蜆/黃燘雞煲/惡魔雞煲）惡魔雞煲好香，只要熱返就可以食了。雞的份量唔少量嫩滑雞肉好香好滋味，醬汁唔會太咸，又甜又辣的味道剛剛好，爽甜紫洋蔥及入味莞茜都好好味！更有任食串燒：菇類、丸類、肉類、蔬菜類、海鮮類等，即點即燒的串燒，我們坐下來就點了，好香口但比較咸了點。之後點火鍋湯底，可選擇番茄、莞茜皮蛋、麻辣湯底或南瓜。選了下火清熱的皮蛋莞茜湯底，好清甜的湯；自助任取任食火鍋材料：鯇魚、瓜菜、丸類、腸仔類、獅子狗、粉麵、魚皮響玲等等，更會添加的！飲品除了台式外，出面更有一個雪櫃可自行取，另一邊有