船皇 (謝斐道) (已結業)

最近見到身邊嘅朋友都周圍飛，搞到我都想飛埋一份✈️ 可惜呢排都多野做行唔開，心心念念嘅泰國之旅要暫停一下🥹不過俾我發現咗即使去唔到泰國住都一樣可以食到好好味嘅船麵😍 仲有任食串燒添🍢1️⃣ 船皇湯麵 🍜揀咗小辣嘅金邊粉，食落幼身得嚟好滑，湯底好濃郁亦唔會太鹹💓而配料有牛腩、肥牛、牛丸、雞翼同豬膶等等，份量多到差唔多ᴄᴏᴠᴇʀ哂啲粉，好吸睛😍 雖然有蔥花但唔係好多，如果可以多啲就好啦🤩2️⃣ 牛腩+牛肉丸+牛肉片 船麵 🐂成碗麵都係以牛為主，上面仲有塊炸豬皮，脆卜卜好香口，有一半唔覺意浸咗落湯度即刻”渣渣聲”，但係食落一樣咁好食的😚牛腩肉質鮮美，軟腍適中，好好味🥹而少辣真係得好輕微嘅辣，但係正正因為咁就更加凸顯出有好濃嘅牛骨湯味🫢3️⃣ 泰仔凍奶茶 🇹🇭好驚喜好驚喜好驚喜‼️ 好少見凍飲唔加冰🧊 完全無溝稀過茶味點都濃啲，但又唔會死甜👍🏻4️⃣ 任食串燒🍢等我戴翻個頭盔先🪖 雖然做唔到串燒店嘅味道，但係都好好食嫁，串燒款式超過20款，又可以任食，我覺得完全對得住個價錢🙌🏻燒菜燒肉燒水果乜都有，款款都各有特色～ 而附上嘅醬汁係甜甜地又辣辣地嘅沙嗲汁，好過癮🤣㊙️㊙️㊙️學生同銅鑼灣某部分員工仲有9折優惠添😍

船皇，其中一個來自泰國既船麵品牌，泰國有幾十間分店，香港都有好幾間分店，銅鑼灣分店地點就腳，餐廳走新派簡約風，舒服自然💡主打車仔麵揀餸式既船麵，仲有串燒任食60分鐘，最平只係+$48，實在係超抵🤩要試試豬肉丸豬潤牛栢葉秘醬撈蛋麵，超豐富上枱，已經好香😻加埋撈麵汁食，蛋麵係幼身既，好掛汁同彈牙，個撈麵汁其實好好味，唔會太咸但夠味👍🏻豬肉丸細細粒，加左少少撈麵汁幾泰幾好味😋豬潤正正常常，份量都幾多，牛栢葉爽身彈牙，都好夾撈麵汁，記住要叫😄撈麵好有地道泰風味，泰式醬料味都會好出💡飲返杯菠蘿冰，個碗已經好靚好泰，完全唔甜，好清新💓升級版任食串燒 🍢升級版實在太吸引，有西冷、牛舌等，有一個鐘慢慢試😜燒西冷，薄身靚牛，趁熱食牛味濃，肉質都唔錯😎牛柳粒 勁大粒，外面焦香，溶左既牛油，肉質滑而有口感，高質😚娃娃菜同茄子都正常，#串燒雞 同#串燒豬 都好正，嫩滑肉質配好味泰式醃料🥰牛舌都厚身，濃味，魷魚鬚勁香勁正，都幾鮮，必食❤️‍🔥船麵本身都已經正，仲要配埋串燒！仲要係任食！仲要咁既價錢！🤤🤤🤤 真係好好「串」🤣唔食對唔住自己，食左你就知我唔係吹水🫢銅鑼灣好泰選擇🫶🏻

店舖唔算太大，大約二十多個位，初時以為日式麵，原來係泰國野(見識淺薄)😂點左一碗雞絲雞翼船麵，船麵可以揀湯或撈麵，我揀左湯麵🍜船麵可以揀金邊粉、米粉、蛋麵和河粉，我揀左金邊粉，麵比想像中粗，咬落有口感👍🏻👍🏻👍🏻好味！另一個要讚既地方係奶茶超勁滑，多奶既感覺👍🏻👍🏻👍🏻好有泰國feel!仲有一個大碗裝住，感覺好得意😆最後叫左三串串燒，牛舌、牛柳同豬頸肉，價錢味道合理👍🏻