嫲嫲辣辣

营业中

休息中

📸 嫲嫲辣辣真係食過好多好多次既川菜第一次食乾鍋就係度食🤪有四款風味揀香辣 麻辣 孜然 蔥爆(唔辣）仲可以分大中小辣為食妹最中意係孜然 好似食緊串燒咁🤤🍴乾鍋可以揀海鮮或者自選(需要4餸或以上）今次就揀咗 豬頸肉 雞軟骨 土豆條 茄子 小辣$175💛 8/10份量非常足 唔會話因為叫得多所以比少咗 兩個人食加碗白飯其實都夠飽小辣唔會太辣 又食到孜然既香💛 乾鍋午市有套餐 抵食好多3餸 $69 4餸$83連埋白飯同汽水🍴酸菜牛肉 $128💛 7/10平時食得多酸菜魚 想轉吓口味不過就失望咗 牛肉好筋又韌湯底就一樣咁好味 落咗青花椒調味又唔會太油 上枱擺咗陣仲係熱辣辣麻酸辣既配合非常夾仲會配埋雲耳 萵筍 大豆芽 寬粉分店地址：尖沙咀厚福街9號地下J1號舖尖沙咀漆咸道南61-65號首都廣場地下5至8及22號舖深水埗福榮街105號地下

因為同同事食farewell飯，大家咁岩想食辣就揀左呢間睇到menu太多選擇所以諗左好耐，最後我地決定左乾鍋配自選配料同水煮牛肉乾鍋自選配料，我地揀左肥腸、午餐肉、萵筍、薯粉同埋即炸土豆片，味道就揀左麻辣小辣先講個乾鍋，除左我地揀嘅配料重有好多辣椒乾同花椒之類..配料我個人鐘意午餐肉食到咁上下先發現我地叫左即炸土豆片，原來碟野上黎面頭果d薯片就係初初重以為係為左裝飾至於其他配料還可以啦另外個水煮牛肉，好大碟，入面跟埋薯粉、萵筍，我覺得比起乾鍋更好食，薯粉同萵筍都好入味

同朋友約係尖沙咀。唔知食咩好就去 厚福街等。本來想食打邊邊又唔多覺，見到呢間鋪。由於我係深水埗食過，所以捉左個fd 入去。唔駛等位。 俾左張2人台我地。 咁望下 menu.都係決定食自選乾鍋。 選左麻辣小辣。4個餸，10分鐘就整好。出到來勁入味， 本來一人一碗飯， 結果我都要叫多碗。食菜比肉類更加好咪。 會比較夾。餐廳整體好乾淨，有啤酒叫，但我地無飲到。服務員都唔會太忙，叫佢就即刻有反應。以後都會再帶朋友一齊過來食。

好想食烤魚上左一間都幾貴嘅所以放棄左，行下行下見到呢間，想試干鍋好耐，就試吓佢！叫左1. 酸菜桂花魚曾經在北京食過一個好好食嘅，從此鐘意左酸菜魚但最沮喪係 香港 好難食得返內地食嘅味道呢個係幾敗筆之作都幾辣(本人唔太食得辣)，但唔香，個湯又酸菜味唔重底層嘅闊薯粉仲有少少發酸（🤷🏻‍♀️唔知點解😥）仲融融爛爛咁🙈唔滑，所以無乜點食到2.麻辣花甲乾鍋 加蝦加萵筍加腩肉加雞件（微辣）微辣麻辣最啱我呢d又想有少少刺激，但又唔食得辣嘅人！好有花椒嘅麻香，但唔辣！友人覺得d蝦好臭好難食，因為係雪藏蝦，但本人覺得還可以花甲都唔錯雞件似辣子雞 幾香口第一次食麻辣干鍋覺得還可以但酸菜魚就唔洗試了！價錢都略嫌麻麻水要買！！！！omg 太無誠意了 我地已經有叫飲品吖🤷🏻‍♀️