Goobne Chicken (天晉匯2)

营业中

休息中

話說今日約左fd子喺將軍澳食晚飯，fd子話想食韓國野，於是我地就去搵韓國野食啦。喺商場行下行下，見到依間goobne chicken，主打韓式烤雞，好似幾吸引咁，又唔會太熱氣，加上個肚已經打緊鼓，於是就二話不說，食左先講。今日好好彩，唔洗點等位。坐低睇下個menu先。嘩！真係好多選擇，除左有好多唔同flavour嘅烤雞之外，仲有炒飯，湯等等。野飲方面，就有好多酒精類同非酒精類嘅選擇，仲有熱飲添。我地今次點左一份韓式BBQ醬煙燻烤雞+火山烤雞half&half，一個鐵板芝士韓式烤肉炒飯配醬燒豬肋骨，同埋滋補fd話一定要點嘅人參雞湯。韓式BBQ醬煙燻烤雞醃得好入味，但係唔會太鹹，食完一件又唔小心食多一件。鐘意食辣嘅人千祈唔好錯過依個火山烤雞，辣得黎有少少麻，好過癮，而且好juicy！鐵板芝士韓式烤肉炒飯配醬燒豬肋骨都係唔錯嘅選擇，啲芝士嘅份量多到完全不計成本，仲要係可以無限拉絲，太邪惡啦！個ribs都烤得好入味，同埋係啖啖肉，唔會剩係得排骨。人參雞湯，一睇就知補啦！見唔見到，佢啲料真係好足㗎，有紅棗，大蔥，原條人參，仲有雞裏面係釀左糯米㗎！值得一提嘅係隻雞係去左皮㗎，唔會太油，但係，佢係超

幾間烤雞想試好耐 今日終於黎左😋2個人食叫左3碟餸 首先黎左呢個鐵板芝士韓式烤肉炒飯配醬燒豬肋骨 啲芝士勁多 圍住左個鐵板邊 一羹筆落去 啲芝士可以拉絲🤤 勁正 啲炒飯幾正 入面有牛肉粒 有啲黑椒味 肉質唔錯 好林 最正嘅就係個豬肋骨 啲肉好有咬口 加埋呢個汁好夾 酸酸味味咁 就算多芝士都唔會覺得好漏另外就係人參雞湯 好多料 隻雞都好大隻 啲肉好滑 而且一夾佢就可以分開啲骨同肉 加埋人參味 啲肉好香👍🏻 當然唔少得必得嘅烤雞 叫左雙拼 韓式bbq醬煙燻烤雞 我好中意個醬 酸酸味味 而且啲雞烤得好好 啲肉好滑 就算係雞胸都ok 唔鞋口 而另一邊就係火山烤雞 menu有5分滿分咁辣 不過唔會辣到食唔到 味道幾香 啲肉質都係滑的 最好就係個雞係烤唔係炸 健康好多👍🏻👍🏻👍🏻