圓仔記

营业中

休息中

好多人話呢間芋圓好食，所以經過旺角都買咗嚟試下，有好多唔同口味嘅芋圓，例如抹茶、焙茶、朱古力…而佢哋嘅芋圓標榜唔用糯米粉同無添加防腐劑！除咗有糖水，佢哋仲有買台式手抓餅，下次食唔到另一間嘅手抓餅店，就再過嚟試吓～•🥢 仙草紅豆三色芋圓 $30呢碗三色芋圓跟咗仙草、紅豆同黑糖汁，黑糖汁裝到好滿，一打開係滿到睇唔到啲料，我飲咗啲先影到呢張相😂 黑糖汁唔太重黑糖味，比較似普通糖水，仙草好滑，紅豆有煮開，係粒粒分明嘅，但份量唔多。三色芋圓都幾有味道，煙韌，唔會太硬/太腍。•🥢 豆腐花紅豆三色芋圓+地瓜包心芋泥球 $30+8因為呢個買咗返屋企食，拎到返去個豆腐花碎晒，好醜🙈 因為睇過其他食評讚豆腐花好食，所以就叫咗嚟試吓，但嗰次發生咗件小插曲，就係店員將外賣遞畀我之後突然收返，話佢手快整錯咗仙草，要幫我換返豆腐花，然後我就發現原來佢係用盒裝嘅百福豆腐花🫨 即刻失望咗一下🥹 因為我開頭expect嘅係舖頭自製嘅豆腐花…（可能都係我期望太多…）另外加嘅地瓜包心芋泥球幾好食！有啲厚皮，但個皮真係好有地瓜味🤩~ 唔係一嚿粉，然後入面嘅芋泥好香滑，不過/$8得1粒，好似有少少貴🤏🏼?

💛圓仔記·依家天氣開始熱 我成日都勁想食甜品 所以見呢間芋圓好似幾靚咁 就買左返嚟食啦😌佢哋嘅芋泥同埋包心芋泥球好似好出名 不過因為我自己唔係特別鍾意食芋泥 所以就冇嗌到啦🤣🤣·仙草紅豆三色芋圓$28佢哋嘅芋圓口感真係好好 係超級煙煙韌韌 而且芋頭紫薯同埋番薯味都好出 我自己好鍾意😍😍之後佢個紅豆都軟糯嘅 但係佢個仙草我自己就覺得有啲太甜啦 所以下次再食嘅話我可能會嗌豆腐花😎·#rbyeat#rby甜品飲品#rby💛#rby旺角·📍旺角彌敦道688號旺角中心一期2樓SB05號舖