Brewed

营业中

休息中

位於上環內街的小cafe，服務員全是男生，態度有禮殷勤，地方少少，但坐得舒適，非常高樓底，感覺好寬敞，剛好旁邊來了個外國客人，服務員以流利英語有禮招待，值得一讚，同埋餐廳音樂都是英文歌，帶點rock，很讓人放鬆提起精神。餐牌有沙律、意粉、甜品的選擇，我選了主菜的牛油大蝦意粉，意粉煮得剛剛好，軟硬適中，非常重的牛油香味，大蝦切細粒上，又幾得意，配上香草牛油好味道，份量又足。而飲品有好多咖啡和非咖啡的選擇，我選了伯爵茶朱古力好特別，濃濃的朱古力味帶點伯爵茶的香味，配合得好好，好喜歡。

終於黎到呢間備受好評嘅Cafe！平日朝早黎到Brewed，獨霸窗口位好爽，加埋陽光好舒服好chill呢~ 好鍾意呢間cafe比平時嘅地舖高半層，望到街邊人來人往之餘，又唔會有眼神接觸。🍴Brewed除左有Benedict、蘑菇toast、大蜆意粉、雞肉沙律，仲有非一般嘅cafe food：北非焗蛋、慢煮鴨肉多士、鯷魚意粉等。星期一至五朝早黎到仲有breakfast set▪️北非香辣番茄焗蛋配酸種麵包 $88/smallShakshuka其實係中東地區嘅家常早餐~ 入面有唔少洋蔥、紅黃燈籠椒、番茄蓉、feta cheese、流心蛋。入口酸甜開胃，微辣惹味，香料味突岀但容易接受。篤穿隻流心蛋一齊食，口感滑溜。Sourdough烘得好脆！就咁食就偏乾韌，但蘸埋汁岩岩好。外皮香脆，麵包煙韌富麵粉香，索汁一流！好鍾意佢酸甜唔鹹，惹味得黎又覺得好fresh又light，叫個small一個人早餐食岩岩好 (之前食過有間好鹹好重口味)▪️伯爵茶朱古力 $45/Hot有拉花嘅朱古力！入口伯爵茶味濃郁，朱古力再慢慢跑岀。甜度適中，係以伯爵茶為主角嘅一杯，略嫌口感唔夠順滑，飲到少少茶粉。