俺流塩らーめん (創紀之城五期(apm))

营业中

休息中

發覺觀塘區嘅拉麵店唔係話好多，經過APM時見到《俺流塩ラーメン》，雖然門面又唔係話好吸引，但見佢啲拉麵又唔係話好貴，就試下佢嘅拉麵如何。睇番《俺流塩ラーメン》嘅背景，總店位於涉谷，响2010年成立，而外海分店只有香港一個地區，至今一共有8間分店，以拉麵店嚟講，都唔算少分店。我地入座時係下午茶嘅時間，店內嘅客人唔算話好多。我哋點咗《俺流芝士辛辣濃湯拉麵》同《俺流男盛拉麵》，兩款拉麵都各有特色。《俺流芝士辛辣濃湯拉麵》嘅湯底非常濃郁。睇番官方網站，佢地嘅湯底係用雞骨頭、雞腿骨和蔥花，响高壓鍋用短時間內熬製而成，睇落佢處理湯底嘅方式好簡單，但出嚟個效果非常好，加上微辣嘅湯底，將個湯進一步提鮮，加上軟硬度剛好嘅麵，掛上橙紅色嘅湯汁，麵上沾上咗邪惡嘅芝士碎，令到成個拉麵變得更加出色。而另一個拉麵係《俺流男盛拉麵》，豐盛嘅男仕套餐，包括有兩塊叉燒、兩件炸雞同一隻溏心蛋，比辛辣濃湯拉麵更豐富，賣相更加吸引。佢個炸雞簡直不得了，外脆而且肉質鮮嫩，冇雪藏味，處理得好好。湯底同樣係用雞骨頭、雞腿骨和蔥花等熬製而成，一試佢原味係好鮮味，奶白色嘅湯底帶有極香濃嘅雞味，而且一啲都唔腥，美味嘅程度係可以將個湯飲哂

日本涉谷拉麵店進駐香港，開設多家分店，係大型商場APM 就有一間啦。 拉麵款式都幾多，有辣有唔辣，除了湯底之外，枱面還有很多醬料可隨意加，黑蒜油丶柚子胡椒、梅子醬、辣油。餐牌上還有調味配搭建議給你。(不過湯底其實本身都已經比較濃郁 ）想健康D, 加D綠色，我就追加左菠菜 +$13 份量都OK。免費提供水（輕輕的檸檬味）。本來最想揀嘅係豚肉盛合拉麵，但當天沒有。最後我擇左俺流芝士辛辣濃湯拉麵 ，口味真係比較濃郁，不是太辣，鹹味比較重。朋友擇左柚子拉麵，口味比較清新。兩款都有隻糖心蛋，但肉份量少。還有加咗一客俺流餃子（6件）$36 , 這個推薦可以試試。座位闊落舒服。平日下午時分人流不多，不用排隊。