餃子屋

营业中

休息中

呢間餃子店我講到朋友都以為我食過好多次😂！！ 因為我今次只係第二次到訪！！ 但係佢個湯同餃子實在好食到我好想好想再去食！！但係因為實在太遠！！ 唔可以成日食🥲🥲 嗰日做節要去荃灣親戚既屋企，所以一定一定要黎食！！我地已經專登避開食飯時間...兩點幾先到諗住冇咁多人... 一黎到真係嚇親... 唔知要等到幾點先有得食呢😂😂 好彩有姐姐問有冇人坐出面，我地即刻舉手，只係等左幾個字就有得食喇！原來出面係食店後既冷巷！環境麻麻，不過反而空氣流通過入面！是但啦！總之有得食啦！我地叫左四拼湯餃同埋粟米三色椒豬肉煎餃。四拼湯餃應該等左10分鐘就有得食喇！粒粒都超大粒！！個湯依然係咁香甜濃郁😋😋超肚餓既我地即刻大啖大啖飲左d湯先！！ 餃子餡好多汁！味道剛好，唔會太咸！我地差唔多食晒個湯餃，個煎餃都未到... 問一問姐姐，佢話煎餃排晒隊，係要等嫁喇🥲最後落單前後差唔多半個鐘先送到！如果真係好肚餓唔等得，大家要慎重考慮😂 我就係煎餃配上海麵(+HKD $8)。6粒煎餃。煎得好香口！！ 粟米配三色椒呢個配搭好似冇乜地方有！味道好有驚喜！！ 有三色椒既香甜豐富左成個餡既味道！！由於D餃子實在太大粒，我叫左個上

餃子屋 #荃灣之前考完DSE嗰陣喺荃灣返工，放lunch嘅時候成日都會去餃子屋度食，過咗咁多年試過好多間唔同嘅餃子店，都仲係覺得呢間最正！而且咁多年都仲係有咁多人排隊食。三式煎餃 (紫菜、芝士、香辣，各三隻)$48傳統四拼 (韭菜、白菜、椰菜、芹菜，各兩隻) $48其實真係每一隻都好好食！無論係咩味都唔會令你失望，而且真係非常之抵食，每一隻都有成拳頭咁大，40幾蚊就有咁多隻，男人都會飽死！不過當然煎餃就一定香口過湯餃好多，而且煎餃都會附上湯餃嗰個魚膠淮山豬骨湯，真係好好飲，而且無加味精，真心正就算平時鍾意食辣都會覺得呢個湯底值得飲過重慶湯底好多，必嗌！另外佢哋都會附送一碟香辣菜脯，同樣非常好味，就咁食啲菜脯都好正！真心覺得呢間餃子好好食，不過就要晒啲時間等下位，而且好多人好迫。味道: 4.9/5性價比: 4.9/5

沒刻意找餐廳，卻遇到了這間好好吃的餃子屋，每次經過都會見到有好多人在排隊。今日門口也排著一大堆人，而我是其中一個。等了大概30分鐘..雖然座位有點窄，但不影響我喜歡這家店！本身打算點煎餃，但可能太晚了，煎餃都沒了那只好點湯餃。點了傳統四拼(韭菜/白菜/椰菜/芹菜)8粒和京蔥羊肉餃6粒，湯底是豬骨湯。餃子超足料！大大粒！味道好香好鮮～湯底是無添加的，十分清甜！重點是性價比超高！這都只吃了$86!!!好滿足！

已經聽過唔少身邊嘅人推薦過呢間餃子屋，今日終於聞名不如見面！由於我係一個人黎嘅關係，等左大概15分鐘就入得。小店地方真係比較逼，大家行出行入都要互相遷就。我叫左湯傳統四拼$40，因為貪心隻隻味都想試！落左單之後就會送黎辣菜莆，果然夠曬惹味！又等左10分鐘後我嘅湯餃終於到啦！首先梗係要飲一口湯先啦！個湯好真材實料，真係一啲味精都無！呢個湯已經先聲奪人，令我更期待呢個餃子！首先外表上真係粒粒都好飽滿，每一粒都要分起碼3-4啖咬，肉餡嘅肉同菜比例完美，又好夠味！每一隻都咁好味！食左四隻之後真係覺得開始飽啦，不過最後都清曬啲餃子同埋湯。下次再食叫6隻就岩岩好啦！

今日同女朋友去荃灣最有名的餃子屋品嚐美味的餃子，由於想品嚐到不同的口味，所以叫了2個拼盤可惜煎得過火左小小，所以比較硬，但個餡幾滋味，香辣味最好食，因為本身個餡餃重口味，所以如果加上芝士個味就會過重。紫菜味可以不試。傳統四併 ，個湯係豬骨湯，餃子味道合格。其中椰菜味餃子相對較清甜。題外話提議買外賣去其他地方食，店內的位置坐得十分唔舒服，非常迫。抵玩指數:🌟🌟🌟⭐️(3.5)其中一粒星被環境扣左，另外個半粒係價錢不算十分抵。

傳統四拼 ($38) 每款兩隻傳統四拼有（芹菜/白菜/韭菜/椰菜）賣點：魚膠淮山煲豬骨湯底。聲稱無味精不過真係已經好濃郁！應該非常足料！食哂d 餃之後一定要飲埋湯底呀！！唔好嘥 餃子：大大粒！餡肉好香好飽滿，咸咸地。餃子皮厚度適中唔會有好粉既感覺紫菜煎餃好好味！！幾創新，估唔到又幾夾喎！！令到餃子好香賣相係爭少少，不過味道真係好吸引！美味香口推介後記：星期六下午去到，勁勁多人排隊等左起碼半個鍾。之後入座又亂...竟然有重覆枱號... 服務態度亦一般