반찬앤쿡 Banchan and Cook (屯門市廣場1期)

营业中

休息中

本人非常之愛吃炸雞，但唔係間間個個都咁出色，見屯中心開左就試試佢，意外的驚喜的好吃傳統紫菜包飯口感豐富，配有蛋，蘿蔔，牛，黃瓜，青瓜非常清新烤牛肉蛋包飯烤牛肉非常嫩醬汁非常之濃郁，在加上半熟蛋配飯，真係另一種享受，好好吃甜辣無骨炸雞(半份)甜絲絲少少辣的炸雞，外脆雞肉嫩口，薯條同年糕都炸得好吃，外觀同味道都系掂值得打卡呀😍

傳統紫菜包飯$78紫菜飯卷夠晒足料，料多飯少😃，包括牛肉，蛋，蘿蔔絲，青瓜絲，仲有酸蘿蔔，食落好開胃，又唔會散。無骨黑炸醬炸雞（半份）$108中意食濃味既朋友仔可以點黑炸醬味😍當中仲帶有少少甜味，相當夾。面頭仲有青瓜絲可以解膩👍🏻雞肉亦都好嫩滑😄南瓜八爪魚蛋包飯$158呢個多包飯賣相夠晒可愛😍蛋上面仲印上南瓜樣，岩晒打卡啦😀店員好細心咁幫我哋切開個蛋，d蛋汁流晒係飯入面一齊食，勁juicy🥰八爪魚彈牙有口感，好有咬口。橙色怪魔沙冰$52影相出黎效果好靚，係百香果混合左香橙味，少少酸，幾特別既配搭👍🏻韓式雜莓牛角包窩夫$72窩夫焗得夠晒脆，面頭加上忌廉食落好好味🤤再咬淡微酸既士多啤梨🍓全部都好好食，賣相更加無得頂，打卡一流🥰

星期日去到屯門市中心2樓嘅Banchan and Cook食晚餐，我地大約6點去到，等一陣就入得餐廳～餐廳裝修簡潔，以earthtone為主，座位寬敞舒適。.餐廳主打韓式蛋包飯同韓式炸雞，另外仲有其他主菜、小食同甜品🧇我地仲可以食到餐廳嘅萬聖節其間限定菜式🎃.◽️南瓜八爪魚蛋包飯 $158（8/10）萬聖節期間限定嘅蛋包飯，賣相可愛，印上咗南瓜仔嘅圖案🎃旁邊仲有食得嘅南瓜做裝飾，好啱打卡！店員會幫我地割開蛋包，令嫩滑軟綿嘅蛋漿可以融入係炒飯入面，食落味道好有層次！而八爪魚用咗韓式甜醬作調味，八爪魚肉質彈牙有口感得黎唔會好韌，好好食 🐙.◽️傳統紫菜包飯 $78 (7.5/10)紫菜包飯十分足料，有蛋、蘿蔔絲、青瓜絲、酸蘿蔔同少量牛肉，夾埋一齊食，咸中帶微酸開胃得黎幾正😋.◽️韓式黑炸醬炸雞 $118（6.5/10）今次我地叫咗半份嘅有骨炸雞，第一次食到韓式嘅黑炸醬，味道偏濃，仲有青瓜絲係面頭；而炸雞肉嫩滑多汁，加咗醬嘅炸雞更加係別有一番風味.◽️韓式雜莓牛角包窩夫 $72（8/10）牛角包窩夫烘得啱啱好，窩夫面頭唧上唔會太膩嘅忌廉cream，再配上時令嘅生果例如草莓、藍莓同紅莓，我哋都覺好好

今日入屯門拎湯, 然後同家姐去食飯, 之前經過 ❥⧽ 반찬앤쿡 Banchan and cook ❥⧽ 覺得環境好靚, 今晚趁住時間尚早唔使排隊就可以入去喇。餐廳本身感覺柔和舒適, 然後加咗好多萬聖節裝飾添加氣氛, 最驚喜係連 Menu 都轉咗 Halloween 版本, 感覺好有心思。𓊈傳統紫菜包飯 $𝟟𝟠𓊉紫菜包飯好大個呀, 不過唔會太多飯, 包住好多配料, 配料有牛肉, 蛋, 青瓜, 紅蘿蔔同酸蘿蔔, 好好味!𓊈泡菜炒五花肉蛋包飯 $𝟡𝟠𓊉蛋包飯賣相好靚又精緻, 切開個蛋仲有少少流心, 個蛋好滑, 包住炒過嘅飯嚟食, 味道層次幾豐富。五花肉唔會太肥, 都幾軟腍, 連埋泡菜一齊食真係好正。𓊈黑炸醬無骨炸雞 $𝟙𝟘𝟠𓊉呢度嘅炸雞可以揀有骨或無骨, 實在太好, 我地太懶所以揀無骨, 唔使落手可以叉住嚟食真係好方便。估唔到半份炸雞都成座山咁多, 炸雞外皮好脆, 裡面d 肉好嫩滑。除咗炸雞, 仲有年糕同薯條, 都好好食。𓊈烤朱古力棉花糖 $𝟟𝟠𓊉超級邪惡之選, 棉花糖外層輕輕烤過所以有少少脆皮, 面層舖滿朱古力碎同糖霜, 底層佈滿餅底碎, 真係由頭甜到落尾。𓊈橙色魔怪沙冰 $𝟝𝟚𓊉見到呢杯