純寿司 (已搬遷) 新店位置

星期日放假，個仔話想食壽司，就帶佢黎呢度食啦，我直都有食開，估唔到下午3點去食都要等位，等左半個鐘到終於入得。我就嗌左兒童餐俾我仔食，好似58蚊，有益力多又有布甸，仲有幾件熟壽司同迷你炸物，最正係食兒童餐係有玩具/糖送👍👍👍而我自己就嗌左火炙鰻魚、魚背壽司、三文魚子軍艦、仲有我經常會嗌嘅明太子雙重海老，次次我都嗌2件，14蚊一件，勁多明太子醬，加埋甜蝦+大蝦真係好好味🤤其實佢個炸雞都好好食，不過今次無嗌🤤

接完小朋友放學，剛趕得切叫午餐，當晚飯食，好抵😆小朋友各點了一客兒童餐，內有多款壽司及炸物，有壽司食已經很開心，還有布丁及益力多，讓他們放縱一下。點餐後，職員送上一箱玩具讓他們選擇，原來兒童餐包埋一份玩具，雖然選擇不多，而且不是太有趣，但小孩像尋寶盤翻箱倒櫃的努力尋找，最後心大心細下選了2份玩具，已感很滿足。我則點了一客壽司午餐，包括一碗沙律、一碗昆布湯、一小碟前菜及數件壽司，份量不是太多，配合我的減肥計劃可能食物太好吃，小孩仍不夠，再點多一客手卷。最後捧著肚皮離開