誠記小籠包拉麵 (已搬遷) 新店位置

行完西九龍中心本身諗住去康瑞食糖水，但點知經過依間專食小籠包上海生煎包嘅店，門口餐牌列晒好多糖水仲有芋圓所以決定試新野。👓八寶冰 $26有芋圓、南瓜圓、地瓜圓、小丸子、紅豆薏米西米珍珠仙草練奶。芋圓比較硬，唔夠QQ，粉粉地，一咬就散好似泥膠，越食越覺得有陣泥膠味🙅🏻‍♀️非常失望但個冰有驚喜🙋🏻‍♀️黑糖冰撈埋練奶，似牛奶冰甜甜地但唔會係果種甜到令人接受唔到嘅感覺，又冰涼好好食。整體來講成個甜品餐牌應該係依款最好食🤓評分：7/10👓芋圓鮮椰露(凍) $27有芋圓、南瓜圓、地瓜圓、小丸子、西米。凍已經好難食，熱嘅就更加難以想像😓椰汁淡到呢，稀到好似溝左水咁無味，然後芋圓又難食。小編真係食咗兩啖就放返匙羹冇再食過。評分：3/10👓仙草奶凍(熱) $25有芋圓、南瓜圓、地瓜圓、小丸子、紅豆薏米西米花奶。仙草底根本就係熱嘅龜苓膏！勁重藥材味，熱愛龜苓膏嘅人士先好食🤗評分：5/10

這間小店於數年前引入芋圓台式甜品系列後，開始提高其知度，小編當初也是因是其芋圓系列才光顧此店。近日天氣回暖，吃冰點的意慾大增，於是便來此店一嚐其八寶冰。冰面上舖有紅豆、薏米、西米、珍珠、芋圓、地瓜圓、南瓜圓及小丸子，挺豐盛的，碗內則有仙草及黑糖碎冰，再澆上煉奶調味。小編其實於大半年前亦光顧此店，感覺當時給的配料更多更滿的。現在的份量好像少了一點點；芋圓、地瓜圓、南瓜圓口感偏硬身，不太能吃到其中的味道，丸子比起芋圓等更為q彈，碗內的仙草更是少得可憐，只有一上仙草碎塊，小編都不太能嚐到其味道其他配料則表現正常，紅豆、薏米及西米的軟硬度適中。這次來吃冰感覺挺失望的，因為真的很一般般，就是一份比較普通的冰品⋯希望店舖能夠維持水準，保持原來的質素

我其實都幾鍾意食芋圓, 出開黎SSP, 記得之前有人介紹呢間芋圓幾出色,果然冇失望! 開頭見到店名, 小籠包拉麵, 諗緊係咪真係有糖水食架, 點知真係有, 而且都幾多人叫.由於食左野先黎, 所以今次只食糖水, 但我見下午茶都幾抵!都好多人叫小籠包同生煎包, 其實我真係流哂口水, 但真係飽左少少, 留返下次食!!我期待既芋圓~~八寶冰有芋圓, 小丸子, 南瓜圓, 地瓜圓, 薏米, 紅豆, 西米, 珍珠, 仙草.These are a few of my favorite things成碗糖水好豐富, 堆到滿滿的~芋圓, 小丸子, 南瓜圓, 地瓜圓同珍珠夠哂煙韌! 而且甜味亦岩岩好!D冰底都整得算幼細, 唔會成日咬到一粒粒冰粒, 加埋練奶, 好完美~ 芋圓黃金粟米露呢款係限量發售架, 所以試一試~芋圓一樣好食! 粟米露幾特別, 都幾香滑, 仲有好多粒粒粟米, 口感更豐富!十分推介呢度既美食! 性價比高!