霸王川莊 (已搬遷) 新店位置

專登為左酸菜魚試呢間餐廳，仲有主餐牌68折實係值得一試！霸王川莊酸菜魚(珍寶)湯好濃郁，可自選配料，加左豬肚，窩旬，午餐肉，不得不提同午餐肉真係出奇地好食，一定要試！建議可以叫埋白飯去送d湯😋魚塊好滑冇骨連小朋友都岩食！另外，餐廳出名八寶茶，真係有好多配料，但個人不太鐘意個口味，唯獨覺得桂圓好好味😋

之前係旺角同元朗都食過。入座係夜晚七時左右可以即時入座。一坐低即刻沖了一杯八寶茶，甘甜解辣。因為得2個人所以淨係點了例牌水煮魚片（仲包左4個自選配料：萵筍、海帶、午餐肉、水晶粉皮）另外為了可以解下辣叫左甜奶小饅頭。水煮魚片十分足料，最後食唔晒。可能因為叫了小辣，味道偏麻，辣味一開始還可以接受不過會越食越辣。好彩有八寶茶同小饅頭解辣。配料份量好多，每樣起碼有10舊以上。水晶粉皮煙煙韌韌，午餐肉係好食個隻，萵筍、海帶都吸左辣湯，食得好爽呀K11呢間環境闊落，冷氣仲好勁👍🏻唔會食到標晒汗再幫襯指數 😋😋😋😋價錢偏過，如果有優惠會多d食😹

經openrice訂座有7折性價比高 夠晒抵叫左4樣野 埋單只需5百幾酸菜魚 例牌 加腐竹（辣度1）例牌份量都好多 有大量薯粉4位食量唔大 最後食唔晒同行朋友唔太食得辣所有叫辣度1酸酸麻麻幾易入口不過今次整得唔夠酸黑醋排骨如圖 賣相一般份量唔多但一碟要百幾蚊偏貴 食落不過不失涼拌粉皮開胃小食 酸酸辣辣口感不錯 但唔太入味同行朋友唔太食辣覺得太辣茶樹菇翡翠苖上湯同翡翠苖配搭得唔錯，幾鮮甜八寶茶夠清香，食完辣野解辣唔錯同行朋友都不斷加水添飲

屋企人鍾意食辣，帶佢地黎k11試新野。坐底冇耐叫左兩個鍋，一個辣一個唔辣。黎到個鍋好得意😎侍應提我地滾左可以飲個天麻燉鴿湯，又真係幾好飲啵飲完湯野食已經陸續出緊，好快就上齊，完全唔洗等👍🏻👍🏻最憎要等室內夠光猛，冷氣夠大，抽氣夠好，唔會食完一浸味。最緊要乾淨！！呢度有露天，不過今次冇機會坐⋯穀飼牛肉其實四款都有叫，不過只係影一款，其他3款黎到都好掂🤪食到屋企人讚不絕口。豚肉都唔差🤤雲吞好好味多汁，推介👍🏻水果茶大大杯，好抵飲😻西柚菠蘿沙冰都唔差清清地，天口熱整番杯舒服晒😎整體幾好，會再黎幫襯❤️#但希望改下裝肉果個碟⋯底果舊冰溶左侍應收果時我見到都驚驚😂