鳳城酒家 (已結業)

每年老豆生日都要大費周將諗食咩特別野，今年選址太子鳳城酒家古老既牆好有老鋪既味道二樓門口一入去就見到呢個字入面無想像中咁大，我地七個人叫左五菜一湯金錢雞、八寶鴨、釀鯪魚、小炒皇、菜心加個羹，五個白飯瑤柱冬蓉羹ｰ好足料唔會太咸，味道岩岩好金錢雞ｰ第一次食好特別，有肝叉燒同肥豬肉，但係感覺乾左少少小炒皇ｰ有蝦有帶子同出面食唔同，火喉炒得好好八寶鴨ｰ足料，非常足料，鴨肉(林)唔會(鞋)釀鯪魚ｰ都係第一次食，好好食又無骨，師傅手功真係一流最尾一碗綠豆沙埋尾碟頭都唔細嫁，我地七個人岩岩好食得晒無浪費，全程都同個侍應有講有笑，好有以前酒樓個種人情味主角都非常滿意呢餐順德菜

提早同家父食生日飯，老人家還是愛老廣東口味，尤其是傳統的順德菜，最後還是選擇去太子的鳳城酒家。鳳城雖有數間分店，但真正有老師傅監場的只有太子及北角店，其他的不吃也罷。雖然有些朋友說這兩店水準已不及往昔，但我只覺爛船總有三分釘的。由於家父早睡，一家人只能選吃午飯，菜式自然不及晚市那麼多。預訂了八寶鴨，這亦是太子鳳城最得我心的食物。八寶鴨是名符其實的手工菜，賣相實而不華，但內有乾坤。完整的鴨身內藏著蓮子、粟子、鹹蛋黃及綠豆等東西，那些內餡已吸滿鴨汁，加上肉亦酥軟，無牙的老人家也啱食，全家人均滿意也。上湯炸粉果也是我每次都鳳城必叫的。炸得香口的粉果放入上湯浸幾秒後，口感即起了變化，外皮變得Q軟，令人一吃難忘。再吃蝦多士（呢度叫鍋貼大明蝦），是傳統的味道，也是大人與細路同樣喜歡。叫多半隻招牌菜炸子雞，雞皮真的又薄又脆，是老廣東的傳統手藝。要了個例牌的彩豬，味道OK，但價錢較貴，性價比唔高。至於生魚就炒片及放湯兩吃，不過不失啦。雖然幾飽，但來到鳳城，還是要吃一些傳統點心，叫了個大飽，重溫兒時的味道。整體而言，太子鳳城還是沒令我失望，將來肯定會繼續幫襯也。

已有幾年沒來鳳城酒家，原因是太多人，訂了位也總是要等，等都冇位企。心郁郁掛住佢啲傳統菜式，當家人提議去呢度食團年飯便舉腳贊成。它分兩個時段訂位，第一輪是6點，第二輪7:30，可想而知食6點嘅7:30一定起唔到身埋單走人，如是者我地15人最後8:30先有得入座⋯因為人多嘅關係，部份菜式要叫雙份先夠食。炸子雞唔錯，雖然皮唔脆，但雞肉嫩滑得嚟夠熟，加埋檸檬汁小朋友食到LAM LAM 脷。芫茜魚肚羹真係有勁多生芫茜，我夾走哂啲芫茜先食，個羹唔太咸，味道可以但不唔太特別。蓮藕餅是鳳城得意之作，一口咬下去能吃到蓮藕粒，與魚肉豬肉混在一起煎香，是送飯必備的菜餚。預訂了八寶鴨終於上場，鴨肉非常淋身出乎意料比其他餐廳的八寶鴨的味道較為淡，但依然足料，一大勺能吃到蓮子、蛋黃和鴨肉，啲鴨肉炆到淋哂連骨食好正我最期待的菜色是蝦多士，即炸多士外脆內軟，唔會油淋淋，出色豉椒鱔球都夠鑊氣，只係嫌鱔球少咗啲炒鮮奶比較令人失望，不知是否炒得太耐啲奶老咗，食落有啲鞋。咕嚕肉酸甜味十足，食落啖啖肉，很不錯甜品以西米焗布甸作結，熱辣辣，不會過甜，有陣陣蓮蓉和蛋香味，雖然好飽都要食哂佢！為咗食佢嘅招牌菜，等一個鐘都值得嘅。下次

鳳城酒家要食懷舊菜，可能去太子鳳城酒家是一個不錯的選擇。點了幾味小菜，和幾位好朋友開支紅酒，非常愜意！乳豬生腸併盆，豬皮酥脆，生腸未見有如此肥大的，入口非常鮮美爽口！八寶鴨用料十足，好有舊時酒家宴會的風味，味道更勝香港蓮香酒家。一隻鴨六個人吃仍有小半剩餘，不客氣打包回家隔日蒸番熱送白飯，非常一流。蟹肉扒豆苗，蟹肉足豆苗嫩，師傅落足心機炒，不求賣相求美味，絕對抵讚。好姐粉果，輸在前面的菜太好，給比下去！仍是吃得過的。單尾焗蓮蓉西米布甸，是我每次必點的甜品，即使個胃已飽得放不下，那蓮蓉布甸仍會一口一口慢慢流入胃裡，一定給掃清光。