新興食家

营业中

休息中

新興非常有懷舊茶樓feel，每次去都人山人海，想搵位唔係咁易。點心大部分新鮮蒸起，無岩食既都可以嗌即刻蒸，好窩心。 燒賣 ($20)燒賣蒸得軟身，豬肉淋滑肉汁豐富，蝦肉爽滑，整體唔錯。 咖喱金錢肚 ($17)見到枱枱都叫既金錢肚。牛肚爽滑，唔鞋亦唔韌。咖哩汁唔會過杰身，香口惹味。 流沙包 ($17)奶黃包熱辣辣新鮮蒸起，搣開啲奶黃流哂出黎，份量好多。奶黃唔係細滑果隻，可以食到粒粒鹹蛋黃碎。鹹香惹味，雖然偏向油膩但好香口，必食。 糯米雞 ($19)糯米雞好足料，有滿滿既冬菇、豬肉碎，糯米飯軟糯而有質感，唔會蒸到糊哂。