香香宮煮 (金輝大廈)

营业中

休息中

今日Vienn帶大家嚟到最近大熱嘅🪷香香宮煮🪷一間以中國宮廷風為特色主題火鍋店，彷宮廷的裝潢，更提供男女宮廷服，可以打卡一番！ ⚠️免醬介，免加一⚠️✨最特別係每款火鍋湯底都係以古代公主為名！霎時之間，真係以為自己置身於古代✨一嚟到就見到🪷公主醬介🪷聽到個名都好開心🤣有好友最愛炸紅蔥頭（佢話要加分🤟🏽）🪷慈寧宮🪷期間限定龍躉片木瓜魚湯鍋龍躉片夠鮮甜，每塊都帶皮，鮮甜得嚟滿滿膠原🪷手切本地牛肉(細) 切得夠大塊夠厚身，牛味濃郁🪷菜苗帶子餃(4粒) 難得一見冇加豬肉，菜苗清新得嚟，突顯到帶子味🪷黃金響鈴 超濃郁蛋黃濃濃包住響鈴，炸得脆卜卜不油膩，湯食就咁食都yyds 🪷伊比利亞橡果豬 肥細分明，有嚼口nice 🪷涼拌爽口魚皮魚皮嚟講絕對夠厚，冰冰涼涼夠爽口，麻辣味夠🪷自家製足料竹蔗茅根竹庶馬蹄味夠濃，夠清甜，入口透心涼，不會死甜，倒極都仲有，會唔會太開心～Overall嚟講人均$500鬆d，價錢中等，食物質素okay!最盞鬼係店員都著埋古裝，老闆好有誠意👍🏽短短一餐飯嘅時間真係令到我哋咁開心👯‍♀️ 私心推介一定要嚟試～ 如果大家中意俾個like支持下🤟🏽 𝗖𝗶𝗮𝗼🪷香香宮煮🪷尖沙咀加拿分

四個人食飯，人均$530基本上出街邊爐都需要呢個價錢，但今次呢個人均$530都真係唔知食咗乜嘢無人飽肚走5成飽都唔知有無無再加單落去因為真係唔抵一碟乜乜餃都近一舊水都唔緊要問題係佢只係得4粒都賣呢個價錢另外啲牛都真係唔得個《玉面公主四國牛肉拼盤》肉質普通呢個價錢真心唔值唯一可讚嘅係個椰子雞湯鍋嘅雞夠滑但個椰子湯無椰子味海蝦都彈牙嘅 但呢個價錢得5隻4個成人真係唔知食咗啲乜睇返張單都唔算食咗咩上等嘢都係啲家常嘢就盛惠每人$530仲要係有人生日已折咗朋友知我食完問好唔好食我真心答：唔好食又貴只能話佢對擺盤好講究為打卡客的話係做到嘢嘅若你係為飽肚為性價比為美味的話真唔建議

雖然疫情仲未完結，而且天氣又熱，但係無嘢能夠阻止我對打邊爐嘅熱愛😍 所以我今日依然都嚟到香香宮煮打！邊！爐！一入門口除咗見倒有龍椅之外，仲有好幾件龍袍提供俾客人著住嚟影相，霸氣到非常。而我哋今日就去咗儲秀宮。一開始就叫咗個卜卜蜆嘅湯底，好夠鮮味，而且呢個煲好勁好快就滾到d 卜卜蜆開哂，正！打邊爐點可以無牛，先嚟一個手切本地牛肉，好厚切，拎出嚟嘅時候仲有煙架，賣相一流！而且加落帶卜卜蜆味道嘅湯底真係無得輸。牛肉質素亦都好高，就算失手淥得耐咗都唔會好韌。值得推介。當然唔少得酒香陳年花雕浸牛肉，我覺得師傅應該將d牛肉用花雕浸咗好耐，點淥都唔會無咗d花雕嘅味，我哋亦都試過將手切本地牛肉點咗落d花雕度先再淥嚟食，真係好正好正！另外仲叫咗自家製即炸魚皮就好脆好乾身，一啲都唔油膩，亦都唔會好鹹。手打蟹子鮮蝦丸好彈牙；蘿蔔片好薄身好輕易就可以淥到冧哂😍總括嚟講食物質素同服務態度都好好，咁耐無得出嚟打邊爐，個儲秀宮真係坐得我哋好舒服😂

入宮打邊爐啦喂~ 一入門口已經見到張金壁輝煌嘅龍椅，側邊仲有啲宮廷衫俾大家換黎影相打咭，扮吓皇上皇妃 🤣 不過我地就無影啦，直接就被安排咗入座儲秀宮啦湯底款式都幾多幾特別，我地選擇咗:建寧公主:特色卜卜蜆鍋 📍$198餐廳用咗台灣正貨嘅打邊爐鍋，可以傳熱傳得天好，同keep 住啲鮮味 👍🏻 食落湯底真係特別鮮味，蜆肉份量都超多呀 😊 好滿足公主醬介📍$25/位醬料都幾多選擇，特別欣賞個蒜油，好香蒜頭味，雖然重口味，不過真係好香呀嘛 🤭手切本地牛肉 (600g) 📍$348打咭必叫! 大大個盆咁上，仲有啲乾冰營造氣氛，好正~ 重點係睇到牛肉嘅雪花已經覺得好靚，估唔到本地都有咁靚嘅牛手打蟹子鮮蝦丸 (8粒)📍$98幾彈牙，蝦味都幾出酒香陳年花雕浸牛肉 📍$148另一碟必叫牛肉! 花雕超香，不過用咗芽菜墊底有啲浪費，所以我結果拎走咗啲芽菜，浸啲牛肉落去，好濃味 😍😍 放完落湯到煮熟之後都仲好有花雕味桂花蚌 📍$128新鮮又爽口 👍🏻 份量都幾多鳳尾鮮蝦雲吞 (6粒)📍$98睇到相覺得好得意 😁 雲吞入面包住真鳳尾蝦架，原來入面仲有豬肉架喎，好足料脆鯇腩片 📍$88好新鮮，爽口彈牙 👍🏻如果轉

香香宮煮一入去睇佢裝修以為去左古裝片場😂 餐具同擺盤全部都好有中國特色。朋友未到，先有小食食，個木耳好香但對我太辣，食得辣個朋友一黎到就清晒😂 叫左個花膠雞湯，超養顏！大大舊花膠，好軟滑。雞係預熟左，食果時放入去一陣就得，所以唔會淥到老晒。個湯超級甜，就算夾啲濃味既餸又唔會互搶風頭，例如個咸蛋黃響鈴，浸左一陣湯都仲好香咸蛋味，而家好重雞湯味！特別介紹埋雙拼魚滑，揀左蟹子同黑松露，兩隻都好香，個質地又好好，唔會太林或太硬，多蟹子同黑松露😎一定要講美濃水蓮！我想試好耐！終於係呢度有機會。佢係一種爽口既菜，但同時又好吸湯，清清地既菜加濃郁既雞湯100分 😋個薏米水又超正，一jar都倒到五六杯，好抵飲，好屋企feel，唔會太稀👍🏻