李圓圓 (億利工業中心)

营业中

休息中

✨黑糖珍珠鮮奶2.0（$33）我自問都係一個台式飲品控，飲過好多不同品牌既黑糖珍珠鮮奶🧋，李圓圓呢杯2.0真係太出色，黑糖珍珠係熱鍋撈上杯，確保到珍珠既新鮮度唔會因為凍而變硬呢一點，珍珠既大細唔會太大亦唔會太細，呢點相當重要！冰度、甜度都是剛剛好，唯一缺點就是太細杯，真係唔夠飲哈哈哈。✨冬瓜茶（$20）李圓圓既冬瓜茶味道有別於其他品牌，佢既冬瓜味道更重一點，帶有另一種層次既味道，係你口腔裏面散發出淡淡既冬瓜味，唔會好甜，佢既冬瓜茶真係令我一飲再飲👍🏻好消暑

小編心目中黑糖珍珠鮮奶top 3，李圓圓都有上榜！今次試吓另外一啲嘢飲先😝 😋 冬瓜茶 $20 無得去旅行就會諗起台灣嘅味道😭 最近小編又飲咗好多冬瓜茶，李圓圓嘅冬瓜茶唔係好甜但冬瓜味比其他飲過嘅都重！原來用咗冬瓜磚，唔怪得同其他地方飲嘅唔同😝 😋 黑糖珍珠鮮奶2.0 $33 呢杯起碼半年前飲，嗰陣未寫食評，我盡量靠記憶寫兩句啦😂 之所以叫2.0係因為佢係厚奶version，即係多咗奶。要介定一杯珍珠鮮奶or珍珠奶茶好唔好飲，就緊係要睇啲珍珠煮成點，唔係嘅話我飲淨鮮奶/淨奶茶好過啦係咪先😅 李圓圓嘅珍珠又係有甜味同勁彈牙，咬落去係真係feel到佢彈，堅好飲，必試🥰

近期香港熱門台式飲品店之一，剛好荔枝角有分店，亦都係我第二次幫襯。呢次我揀佐冬瓜茶，甜度適中，而且有得比你揀溫熱👍🏻👍🏻👍🏻👍🏻唔會等好耐，服務亦Ok, 所以會再黎❤️