粉紅水門雞 (中海日升中心) (已結業)

冇錯 史努比又嚟介紹觀塘平靚正之選🤪人均唔使$50就有好西食!觀塘返工返學嘅朋友真系啱晒～佢哋嘅招牌飯餐$46就有交易 仲有湯送😚史努比就揀咗佢哋最人氣嘅水門雞飯🤭👍🏿粉紅水門雞飯(配油飯) $46水門雞其實即系海南雞份量幾足 就算唔嗌增量餐其實雞嘅份量都唔少😚調味適中 食得出淡淡嘅鹹香😆唔會完全冇味連雞胸肉都夠嫩滑 一啲都唔柴髀位就更加唔使講 滑嘟嘟仲有啲啫喱🤤醬料唔系平時食開海南雞嘅三色醬而系用咗一款酸酸辣辣嘅泰式醬汁令個雞更惹味 食落酸酸地更加開胃😆配搭嘅油飯味道香濃 又唔會覺得好油膩👍🏿美中不足嘅系飯煮得淋咗啲 如果乾身啲就好啦😛味道: 8/10👍🏿冬瓜雞湯(跟set）個湯夠清 唔會話好多油浮喺面飲到淡淡雞嘅鮮甜味仲有幾舊冬瓜成個湯清甜唔假👍🏿味道: 7/10性價比: 9/10👍🏿牛三寶船麵 $52呢個set同樣都送雞湯😆史努比首次食船麵🙈感覺有啲似薯粉 不過比薯粉更加煙韌有咬口掛湯能力強 令船麵索盡湯底嘅精華味道濃郁 不過都頗辣😛但辣得嚟幾香 絕對唔魕火死辣嗰種～牛三寶分別系牛筋、肥牛片同埋牛舌同樣都系非要惹味牛筋充滿骨膠原嘅感覺 淋得嚟keep到啲嚼口😚肥牛片就略嫌鞋咗啲

今日突登出黎食呢間粉紅水門雞！作為泰菜愛好者🇹🇭👩🏽‍🍳，老實講，香港既泰國菜水平真係唔差，只不過個價真係太貴啦。兩個人食，閒閒地都二三百蚊落樓💸💸，性價比太低。所以收到風呢度有間親民既泰式餐廳，即刻探探店～～事關朋友仔今日生痱滋🫠冇胃口食野，所以淨係叫左個一人餐，加個甜品～一人餐（$58）包括：一碗冬瓜雞湯自選飯類（我簡左粉紅水門雞飯）自選小食（我簡左炸蝦餅）唔知大家有冇食過泰國正宗既水門雞，食過既會知道……其實佢啲雞一啲都唔滑🤣🤣🤣但呢間既水門雞，雖則都唔係非常滑，但都不過不失啦！但係，驚喜黎啦！水門雞配既醬汁，還原到泰國既味道！酸辣平衡完美，極之惹味！😋😋而且一人餐的話，份量會有35%增量，所以都幾大碟，性價比高👍🏻如果講最喜歡既泰國菜色，飛天通菜一定位列三甲🥇🥈🥉不過我對呢次既通菜相當失望。首先，佢呢個通菜係恰的，而唔係炒，已經少左好多鑊氣。之後，上面一層醬料，食落好似豆瓣醬既味道，配上恰通菜唔太夾🙅🏻‍♀️🙅🏻‍♀️食落好香口，而蝦餅口感彈牙有咬口，有少少蝦既海鮮香味，配泰式辣醬，甜甜酸酸，相當開胃😋名乎其實既雞湯，飲落有雞湯既鮮甜，加上冬瓜湯味道本身都清新，兩者加起來清甜下火而