金麥泰泰國菜館

营业中

休息中

港鐵貫通到九龍城確實交通便利，三分鐘路程就到依間餐廳，地點方便就腳。價格親民，可以試試。 泰式柚子沙律 $58大量柚子食落相當健康，混入泰式醬汁好開胃，仲有不少花生碎增加口感。 冬蔭功湯 $75冬蔭公湯分大、中、小，揀小都夠分到4碗。味道不會太辣，好易入口，有兩隻海蝦、菇菌及不少香料，好味好味。 泰式串燒 $12x4逐串點，點幾多由你話事，唔洗下下半打半打上，雞豬各兩串，啖啖肉食落夠滿足，沙爹汁好味。 泰式辣椒蒜蓉蓉青口 $76青口八隻大大隻，醬汁香濃但唔會過辣，一隻接一隻食唔停口。 即制芒果沙冰 $28味道清甜，甜度偏低，大大杯夠晒解渴，飲晒都唔覺好甜。 泰國空運燕窩 $38香濃椰汁味，燕窩啖啖有咬口，細細碗食到飽飽作為完美句號確不錯的。

這間紥根於九龍城超過三十年的泰國菜館，見証著九龍城的起伏。自從屯馬綫開通後，不但令該區的交通更便捷，更帶旺了一帶的人流，難怪大家都覺得很興奮。餐廳平實的裝修，可以看得出絲絲的歲月痕跡，食物方面雖然沒有精緻的擺盤，亦沒有花巧的餐具襯托，但實而不華的美食，在味道和質素都甚高，再者這裡的價錢十分貼地，亦無需加一服務費。泰式生蝦刺身（HK$88)👍👍👍👍👍從泰國飛機新鮮運到的泰式生蝦刺身，肉身爽彈鮮甜，配合蒜片、辣椒和酸辣醬汁，味道可以媲美日式的生蝦刺身。冬蔭功湯（HK$75)👍👍👍👍👍每次去泰國餐館，冬蔭功是必點的 ⋯ 湯內有兩隻大蝦，並加入什菌、各式泰式香料和椰漿，散發出一種獨特的酸辣味道和香氣，令人胃口大開。紅咖喱蝦球（HK$85)👍👍👍👍紅咖喱汁不算太辣，材料除咗有蝦之外，還有泰國茄子、菠蘿、豆角、九層塔等，十分豐富，點一客蒜蓉包同吃更美味。蒜蓉包（HK$30)👍👍👍👍👍即叫即烘的蒜蓉包，熱哄哄的，一口咬落去，聽到卜卜的脆聲，蒜蓉和牛油的香氣令法包生色不少。芒果糯米飯（HK$50)👍👍👍👍另一款必點的泰式甜品芒果糯米飯，軟糯的雙色糯米飯配以椰漿和鮮甜的芒果，甜而不膩。椰青（HK$30)

呢日同朋友去咗九龍城覓食，近年系多咗去九龍城，食泰國菜必去嘅地方☺️自己本身喺呢頭都食過幾間都覺得質素幾高。今次同朋友搵咗一間喺九龍城有好多年歷史嘅泰國餐廳，一於去try try。非常值得一讚嘅系，食物嘅款式價錢都好實惠，好多款都系一百蚊以下。冬蔭功湯有分細中大size，兩個人食叫細size都夠曬。香茅味好重，泰國人好中意落好多香料，味道超濃😋最緊要吾會太辣。裡面仲有蝦肉，新鮮爽口。泰式嘅燒物都系好香口，次次去泰國餐廳都會食豬頸肉咁滯😛每一塊都好長，夠乾身又吾會over，咬落系幾爽口，炭燒味都好明顯，竟然仲食到啲甜味，好滿意。生菜豬肉包就食得多，生菜牛肉包真系未食過😆仲有生菜豬肉包揀，真系第一次見。揀咗生菜牛肉包，啲牛肉嘅大小恰到好處，個樣好似滑牛，質感都幾爽口，牛肉味好鮮，偏辣，食戈陣會刺激味蕾🤣同埋生菜食絕配😋朋友叫咗杯龍眼冰，龍眼甜甜哋好味，夏天飲杯冰凍嘅飲品清涼一下，有少少偏甜不過勝在夠清新。自己叫咗杯椰青，椰青堅系好大個😂好似相比起其他泰國餐廳嘅椰青系大個啲，味道仲好清甜😍成塊椰肉幫客人掀起咗打卡靚又食得😝