摩登堂 (荃灣廣場)

营业中

休息中

Happy Friday ，呢期好想食泰菜，見到荃灣有間摩登堂嘅泰菜幾吸引，一於去試下，唔想等緊係book 位最實際。餐廳面積頗大，以木系為主調，綠色植物佈置，感覺柔和舒適。餐牌，都幾多選擇。椰楊枝金露，$42，友人的。菠蘿冰美式咖啡，$36，咖啡較重甘苦，有微微的菠蘿味。冬陰功海鮮湯，$98，2位份量，個湯連用個爐上保持溫度，海鮮有蝦、魷魚及蜆等，特別在有蘿蔔同瓜(成件事好中湯)，味道酸酸辣辣，唔算好辣，多左少許甘甜味呢。手打月亮炸蝦餅，$88，有6件，口感香脆彈牙，少許鮮味，配上酸酸甜甜的泰式辣醬更好味，不俗。蝦頭油大蝦炒金邊粉，$128，金邊粉煙韌，味道酸酸甜甜幾開胃。泰式糖水鍋(凍)，2-4位用，$108，上菜時的煙霧效果感覺夢幻，之後店員倒入椰乳後開始食用，好有儀式感~揀了斑蘭厚椰乳，椰香味濃，有微微私斑蘭味，配料十分豐富，時令鮮果、仙草、椰果、西米、芋圓、珍珠、白玉丸子及紫米，今次鮮果係菠蘿及火龍果，味道正常水準。食物正常水準，價格中等。

今日一家人過咗荃灣，就係過嚟幫襯依間泰式餐廳，因為之前望到佢哋有啲泰式刨冰同甜品好吸引，又有主菜可以食，所以帶埋老婆同個女過嚟試吓佢哋個裝修比較新派，都坐得好舒服，不過略嫌冷氣不是太足夠，另外大部份侍應亦都十分年青有禮。嘢食方面，整體都幾好，個人好鍾意佢嘅辣椒糕炒蜆同菠蘿炒飯，辣椒糕炒蜆好惹味，啲汁好Creamy，最衰冇嗌吐司。個炒飯連我個女都食咗大半，因為佢炒得好乾身，亦都有好多材料。不過甜品就冇啟德嗰間咁好食。期待下次再過嚟試吓佢其他唔同嘅菜式。

5月連食幾餐泰菜都幾好味 🇹🇭 今次去荃灣廣場嘅摩登堂🍲冬陰功海鮮湯泰菜必叫冬陰公 有蝦🦐蜆 魷魚圈🦑香茅味濃 湯底超多紅蘿蔔粒🥕充滿胡蘿蔔素鍋下用小火爐一路滾住 保持熱度同香氣撲鼻🦐蝦頭油大蝦炒金邊粉份量超大碟有兩隻大蝦 伴碟多花生碎芽菜🥜炒金邊粉乾爽唔油膩🐓沙嗲雞肉串燒只有豬同雞🐔每款至少三串🥜沙嗲醬上花生係我食過最大粒🪿紅咖喱鴨胸鴨胸肉嫰 底下咁全部紅蘿蔔🥕🌶️咖喱汁最適合撈飯🍚或酥餅🍧泰式奶茶雪山刨冰冰底用泰國最出名嘅香濃手標奶茶🧋配煙靱芋圓珍珠西米 最正係一粒粒烤蜜糖多士淋埋煉奶都仲好香脆呀🍯

今日嚟到荃灣廣場，本身未有idea晚餐食咩好😂經過門口廚櫃見啲甜品好似幾吸引😍睇吓menu先發現原來係食泰菜🥘再睇到個色彩繽紛嘅甜品同飲品menu🤤我嗰心已經跟咗入去啦😚今次好可惜蒜蓉包一早已經賣晒🥹如果唔係會想試吓佢嘅咖喱🍛🍞焦糖嘉年華丹麥口吐司 ($88)話咗因為佢嘅甜品先食😆就算食得幾飽都要叫🤣我哋仲要揀咗個最飽肚嘅🫣因為焦糖爆谷真係太吸引🤩切開先發現原來真係原舊多士😬最初仲以為似某大連鎖店咁係脆脆多士粒😅吐司烘過，微微溫暖，內𥚃都幾香幾軟熟😌不過外皮真係太厚太硬，食落有啲乾😥下次可能試吓食冰會好啲😂🥘冬陰功海鮮湯 ($88) 見到四位用嘅冬陰功係虹吸式勁打卡🤩可惜得兩個人只能叫2人份🫢點知原來2人份都咁大煲😱平時呢個分量4個人分都夠哂😂海鮮都好多，酸酸辣辣🌶️又惹味又開胃😋🦐曼谷醉貓炒金邊粉 ($128) 見到咁多蝦真係好吸睛🤩🤩蝦肉爽彈👍🏻金邊粉煙靭有口感，炒得夠乾身，唔會痴埋一團😌甜甜酸酸好開胃😋🥬馬拉盞炒時菜 ($72) 睇嚟呢度咩都係大大碟😆呢個價咁大碟菜真係幾抵食👍🏻通菜新鮮，馬拉盞惹味😋