利苑酒家 (已結業)

唔係間間利園都好食, 有D仲又貴又難食添, 試過咁多間分店, 都係沙田店最好, 比其他店平D, 又好味, 服務亦OK. 上次黎無預訂乳鴿, 有得睇無得食, 今次記得訂了, $58一隻BB乳鴿, 雖然唔係啖啖肉, 但炸得香口, 同時能保存肉汁.蝦餃 ($39四粒) 包得好靚, 蝦好新鮮, 必食. 七味豆腐粒 ($42) 熱辣辣,外層炸到金黃色, 十分酥脆, 中間的豆腐好滑. 我老爺最鍾意食燒腩仔, 坊間大大小小的酒家差不多試均晒, 利苑的冰燒三層肉真係數一數二, 不過都幾貴, 細細粒每客$120, 今日呢碟瘦左D, 無平時咁好食. 龍蝦湯西施泡飯真係百吃不厭, 湯底濃郁鮮甜, 灑上炸米有畫龍點精之效, $168一窩夠5人share每人一碗. 店員 upsell 的豬腳仔 ($52) 就比下去了, 炆得唔夠淋. 反而第一次試既燈影煎堆 ($28兩件) 反而有驚喜, 即叫即炸, 雖然唔算好薄, 未做到 “燈影” 透光的效果, 但煙煙韌韌, 幾得意, 值得一試. 

訂7:30枱，等咗5分鐘就有位。可惜坐低之後叫乜冇乜。點完菜轉過頭話乜，前後點咗四輪先點完。之後問佢攞個酒牌，竟然問番我想要乜。大佬呀，而家我俾錢你賺你都唔識。要得個酒牌就梗係想睇睇有咩選擇啦！米芝蓮喎，小弟真係唔識欣賞啦。