糖水佬甜品

营业中

休息中

記得之前同一舖位位置有間甜品舖，係好味的，但唔記得係咪呢間，見門口都好多選擇，於是入去食，點知今晚叫左三款甜品，其實三款都麻麻地，唯一得糖不甩相對好少少😂😥.冰花燉蛋 $29好味度：⭐️⭐️⭐️味道是小時候屋企整的燉蛋。。蛋+水+糖🤣不過唔知點解食到個底位置，有少少粉粉地，口感有d 奇怪🤔🤔心諗，應該唔會加左d 粉落去掛🤔😂.糖不甩$23好味度：⭐️⭐️⭐️相對比另外兩個味度好少少。。.雜果大明珠 $39好味度：⭐️⭐️呢個好唔掂。。雖然嗌左多椰汁，但點知佢d 椰汁撈水撈到淡到好難食，呢個最差😥😥.雖然多款揀，但味道唔得😂😂😖

今晚我們喺深水埗桂林街食完韓式海鮮鍋之後去咗「糖水佬甜品」食甜品！我們叫咗冰花燉蛋燉得都幾嫩滑，蛋味亦幾香濃！生磨芝麻糊湯圓嘅芝麻糊好香滑濃郁，芝麻湯圓亦好煙煙韌韌！木瓜大明珠嘅大明珠係珍珠奶茶嘅黑珍珠「透明版」，口感好煙韌彈牙，而木瓜亦好香甜！椰汁星洲喳喳煲得好粉好腍身，加埋香甜濃郁嘅椰汁一齊食，令到味道更加芳香！菠蘿豆腐花嘅豆腐花都幾滑溜，配上清甜嘅菠蘿一齊食，感覺都幾特別，味道都幾清新！曲奇雪糕西米露第一啖食落去軟滑嘅西米，配埋香甜嘅雪糕，而且有粒粒曲奇，令到層次感相當豐富！

飯局之後，由於當晚鹽份過多，實在不得不吃點甜食中和一下。有飯友提議去糖水佬，我沒意見，可以吃些甜的就可以了。餐牌實在太多選擇，最後揀左凍冰花燉蛋。應該加了冰糖燉，所以帶點甜味，燉蛋頗滑，無氣泡，夠我中和一下口中的咸味了。值得一提係另一食友點的雪糕芒果西米露，可以揀兩款雪糕，雪糕係用類似畢豆腐花既殼去畢，兩大pat雪糕再加芒果西米露，真係飽到傻。其他朋友的甜品好像只是一般，但我的冰花燉蛋算是不錯，看來是水準不穩+參差，有機會再試試其他甜品吧。