Simplylife Bakery Cafe (已結業)

今日eatmug9 #63老友話請食Tea幾大都狗衝Sin話說咁廿九幾年人都未食過SimpyLife老友都打咗個突仲笑嘟我鄉下仔入返正題九龍灣依間SimplyLife比起其他分店都算光猛同闊落再睇睇個menu 本以為Tea time 要60,70 蚊原來都只係50蚊左右Gym 仔叫雞是定律嗌咗個哥達芝士雞肉漢堡🍔5分鐘左右即上菜 快。靚。正tea time依個份量都滿意件包嘅size 起碼大過金拱門先😂雞肉夠嫩滑唔會太油 同埋依隻哥達芝士個味唔重唔會cover 咗雞肉味👍發現依杯冰茶應該係間舖嘅signature 嚟周圍十個食客九個都飲冰茶🥃飲落係似青檸芒果紅茶絕對唔會好甜醒胃又解渴👍依度嘅下午茶性價比都高絕對可以一戰😋

因同事升職請我同我另一位同事食飯，我話唔想去飲茶，有否選擇，他就介紹呢間餐廳，話啲食物質素唔錯，所以我地就決定去呢間慶祝。入到去個地方好大，上一手係美國餐廳，地方都係一樣大，但呢間就比較光猛，我們三個因有野做不能同時間到達，咁啱我係第一個到達，本想等我同事來先一起入去，但發現入面好似好多人，我恐防冇位，所以就入去攞位先！到我們人齊，就睇睇餐牌，見佢餐牌好簡單，只係有LUNCH SET，寫明如果淨係揀主菜就$85，如果加埋沙律／餐湯就要$95，冰茶就一定會有的。我地三個睇來睇去，最終都有了自己的心水。我和我朋友都揀選沙律／餐湯既SET LUNCH，我和其中一人就跟餐湯，餐湯送上時有半個包响旁邊，個包食落都幾好食，有一些雜莓响入面，蠻好食的。餐湯就係濃濃的甘筍湯，本人不太喜歡甘筍味道，但鐘意甘筍既一定喜愛，但我都有飲晒碗湯，因為都不是難飲，係算唔錯的。其中一位同事就要了沙律，見賣相都幾吸引，好多配料，又有牛油果，又有蔬菜，蕃茄仔咁，食落都幾豐富！沙律都有配半件麵包，一樣係雜莓麵包，朋友都覺得個麵包新鮮幾好食！其中一個同事的主菜出場，他叫了牛油果醬牛肉漢堡，牛油果醬好多醬，牛肉算幾多汁，你會

中秋佳節約咗好姐妹食中秋團圓午餐，一邊談心一邊交換禮物。中秋節梗係要食好啲，我們去咗Simply Life食午餐，1:00pm去到勁多人係門口等位，好彩我醒目一早係App到攞咗位先，但去到都要等，等咗成20分鐘先有位。我們叫咗車打芝士煙肉牛肉漢堡和冬陰公海鮮薈飯，餐湯有南瓜湯，麵包和冰茶。車打芝士煙肉牛肉漢堡超好食，牛肉好香好多汁，配埋芝士和煙肉，仲有好脆嘅薯條，真係正到冇朋友。冬陰公海鮮薈飯，份糧勁少，但啲海鮮係好新鮮，有蝦，青口，蜆和茄子，都係好食嘅。南瓜湯入面有黎麥和一粒芝士，好好味。麵包外脆內軟，好香好好食。冰茶的茶底好香。整體上都唔錯，係等位等得好耐，職員有位都唔安排入座，同埋人手唔夠。

德福以前Ruby Tuesday個位變左Simplylife,見到下午茶定價比九龍塘平$10，今日就黎食～2:45pm開拎飛，3pm可以入座。餐廳裝潢簡單舒適，燈光夠猛。我地3pm落單，10分鐘之後有冰茶～入面有兩舊大橙～但本身都已經夠甜。之前試過午餐嘅冰茶有橙同柚，有柚好飲啲。等左20分鐘先黎左個雞肉墨西哥薄餅：薄餅有4塊，夠脆而且多芝士👍🏻薯條唔太多。如果想有飽肚感，可以嗌芝士煙肉牛肉漢堡：份量大好多～賣相吸引，有超多芝士，好正😍等左25分鐘先有野食，好餓😢牛肉熟度啱啱好，半生熟：唔係太juicy,但整體都幾滿意喇～總結而言，餐廳坐得幾舒服，下午茶時間唔多人，唔洗同人迫或者排隊入坐。可能新開嘅關係，上菜速度太慢，有待改善。價錢合理，食物滿意👍🏻

美心出品遍佈中式、西式高層次與平民化通通公傳 , 又廣為人知與及不甚起眼的食店，遍佈全香港九龍已不是一件異事, 今次到訪便是足多年沒有去過的 simple life。。 其分店已在多年愈開愈多， 曾在茁壯長成的覓食間的我、 一度曾甚為熱愛, 多時一別今日再度探訪、 不知水準又去到什麼地步~ Brunch這個名稱, 總教人在假日期間可以寬懷一點放亮一點 、在充裕的時間內吃上優悠的午膳， 但價錢總是雙向的每每給平日貴上一點兒。。 餐飲其實已包上一杯冰茶 ,冰茶其實只不過是加上一些新鮮橙肉連皮 、再放入紅茶而言， 甜度亦已調較好、 沒有附帶一些減甜或增加的情形下甜度恰好~ 當日所見選擇亦都不少 ,餐牌上就有十多款可供選擇 、例如有水煮蛋拌菠菜，水煮蛋伴煙肉、焦糖香蕉法式多士、火腿蘑菇車打芝士奄列、啤酒脆漿炸青衣魚柳、烤美國春雞半隻、忌廉蛋汁煙肉手製意大利粉、松子香草汁手製長通粉、均配上餐湯/ 沙律及冰茶/汽水等飲品~ 色澤翠綠新鮮的沙律菜永遠是人見人愛, 加入大量的橄欖油與香醋、 簡直是絕配 碟旁跟上一個法式麵包，新鮮而且脆口輕輕塗上一點兒牛油更見味美,不過如果有得揀我會選擇以從塗上牛