The BASE (已結業)

今個星期六好不幸要番工....收工決定要食番餐好既慰勞下自己。剛巧經過觀塘醒起呢間工廈餐廳，之前食過一次dinner 覺得野食質素唔錯同埋幾特別，所以就上去八下有咩食先😋，原來假日既下午係主打做brunch.雖然地方唔算太就腳，但係都幾多人食，好彩今日單拖黎極速有位。套餐包既飲品都真係超多選擇，不過向來鍾情於水果茶既我，二話不說要加$5 黎個冰鮮果茶😚。✨冰鮮果茶：味道清新，又唔會太甜，飲得出水果既味道。入邊有士多啤梨，藍莓，蘋果，青檸，個味我都幾鍾意，不過叫左少冰，都仲係好多冰😓唔知係咪聽漏左。✨full day breakfast($108): 呢個breakfast 豐富度好高，數數menu有成13 樣野，有幾款令我幾驚喜。👍🏻自家制鵝肝雞肉肶： 呢個雞肉質幾嫩，一d 都唔鞋。加埋鵝肝既味道又幾夾幾好食，黎多幾件都仲得。👍🏻大啡菇配菠菜溫泉蛋： menu 話係63度溫泉蛋😍，切開已見到半凝固狀既蛋漿。我幾鍾意佢個質地，唔會太稀一切流晒出黎，可以食得好完整。食落非常滑溜帶點漿口，配埋菠菜同juicy既大啡菇一流。👍🏻牛角包： 好香牛油味好鬆脆，雖然有d 喉嚨痛，但忍唔住啪晒成個🙈，面頭我覺得有少少甜甜地，有d 似食丹麥酥既感覺，真係好香。👍🏻酸椰菜+西柚沙田柚沙律： 平時好少食到酸椰菜，個酸椰菜唔會太酸又幾好食。沙律醬汁唔錯，食到d 柚子既味道，加埋西柚粒，酸酸甜甜好開胃。其他配料都好新鮮，🍅蕃茄甜得黎好多汁，雞肉腸好多香草同黑椒夠惹味，火腿咸香又唔會太油膩，薯餅又超級香脆。唯一係塊煙肉比較乾身，不過佢勝在味道唔會太咸，同埋帶肥既位置係食落去脆卜卜同好甘香，有d似食緊豬肉紙既感覺。呢個full day breakfast 整體黎講我都幾滿意，食完感覺好滿足，如果可以加錢配d 甜品食下就更為perfect😛。其實我仲好想試佢既set lunch, 點解星期六會無嫁😭。…查看更多

終於挨到星期六放假，走到觀塘工廈區找食，不是朋友介紹都不知道有一家舒適的咖啡店位置並不難找，門口擺放餐牌及裝飾，入座後店員問是否有訂座，想不到午餐也需要訂座，不到一刻鐘，店內已坐滿客人餐廳的環境簡潔時尚，令人舒服，週末的Brunch 共有9款，沙律/漢堡/吐司，以及賓尼迪蛋/ Full day Breakfast都有，套餐更是包含飲品每一檯會放著有薄荷葉的Detox Water炙燒煙三文魚配黑松露賓尼迪蛋，法式牛油多士賓尼迪蛋的靈魂是荷蘭汁，荷蘭汁份量蓋過蛋，味道微酸帶點creamy的口感，頂層更放了少量黑松露醬點綴從中間切開，蛋汁從流出，慢慢流到下層中間夾雜著菠菜，以便吸取流下來的蛋汁旁邊的油醋沙律蕃茄粒好開胃飲品除了咖啡外，還有多種花茶果茶，最後加$5點了冰鮮果茶，甜度適中多種水果在內，飲用後把水果吃清光…查看更多

現時工廈餐廳隨處可見，都有不少質素不錯既餐廳，今次來到這間覺得具潛力既餐廳 "The Base" 來這裡到了大廈入口搭lift 上這層，由於沒有指示牌，需要找一找才到步。餐廳內環境以木色傢具、白色牆身佈置，再加上外面露台擺放一些綠色盆栽，令人感覺舒服清新。天氣還熱，點了一壺冰鮮果茶，有草莓、蘋果、西柚，奇異果，生果十分豐富，仲配有薄荷葉，入口很鮮甜帶點微酸，so fresh，裡面既生果，還可以拮來吃，十分細心。而我點了蜜糖洛神花茶，入口香甜帶點清新的微酸，不過有養顏美容、幫助消化之功效，還可改善睡眠質素。炸蝦釀雞翼珍寶珠看得出賣相別具心思，，外型做得幾像珍寶珠，雞肉裡釀入蝦肉，食落很香脆，再配有沙津醬及辣蕃茄醬，簡直雙重享受，點點醬，食得更滋味，  可謂鎮店之寶。慢煮加拿大豬鞍拼豬腩，豬鞍煮得很鬆軟，肉質鮮嫩，而豬腩肥肉分佈平均適中，入口好juicy!　 黑松露雞肉雜菌菠菜扁麵，黑松露平均沾滿每條扁麵很香濃，d汁都很creamy。菠菜、雞肉等分量夠。飯後甜品來一份椰香焦糖燉蛋，燉蛋很香滑還有很香甜椰子味，比較特別，少見其他餐廳吃到。這間是很用心做食物的餐廳，值得支持一下的。…查看更多