坡椰坡囉咪

营业中

休息中

娘惹喇沙（$52）麵底三選一，要咗掺摻；肉類三選一，要咗厚切豬扒。喇沙湯底唔辣，唔算好濃厚，偏向椰香味；摻摻份量足，油麵同米粉都正常，唔會太淋；厚切豬扒有驚喜，真厚切，一大塊斬開有七件，面層煎得香口，但食落唔乾，而且腍得嚟有咬口，唔錯；配菜有芽菜、豆卜、魚片、雞蛋，份量十足。焗迷你咖喱農夫包（$48）咖喱二選一，選了小印度蕃茄咖喱；肉類四選一，當然係至愛嘅牛脷啦。咖喱汁微辣帶茄酸味，味道都算濃厚；農夫包焗得夠脆，點咖喱無得輸，但略嫌咖喱汁唔夠多，唔夠點哂成個農夫包；牛脷兩片，煮得夠哂腍。凍美祿恐龍（+$15）大大杯加大大堆美祿粉，仲有幾粒棉花糖仔。下午茶嚟講，食品質素唔錯，都算幾抵食。PS：全日免收加一服務費。

下午茶 D 焗迷你咖哩農夫包（$47）凍美祿恐龍（+$15）咖哩可選新加坡咖哩或小印度蕃茄咖哩，揀咗前者。材料可選豬扒、雞扒、牛脷、牛腩，咁當然係揀牛脷啦。凍美祿恐龍OK大杯，美祿粉都算多，而且仲有幾粒細棉花糖。大約數分鐘，農夫包上枱，雖然叫迷你，但都有啲size。包是脆的，咖哩香濃微辣，點包食一流。有兩片厚切牛脷，好腍，軟熟。整體符合要求，味道不錯。