小時光 (已結業)

今日友人又揸車接咗我同友人女友, 再出發接埋 P san 去到觀塘搵食。 本來想食泰菜, 但因為上嗰間泰國餐廳嘅工廠大廈前門閂咗, 搵唔到路上去, 所以轉咗嚟試小時光。門口同店內有著台灣懷舊嘅佈置, 店內人多, 驚影到人, 所以唔敢放肆地影。一入到店, 係一名操流利國語台灣男生為我哋一行四人帶位, 我咃就座之後, 店員遞上餐牌同說明店家係要客人自己到櫃檯點餐取餐。P san 點咗古早味滷排骨便當。 台灣嘅排骨好多時都係我哋香港嘅豬扒, 但喱個古早味排骨質地同口感有啲似食齋時用豆干做嘅肉咁, 味道正常無咩特別, 不過喱個便當配有少量青瓜同小棠菜做冷盤, 再加埋有少量椰菜做配菜, 感覺還好。而我就點咗台式養生藥膳排骨飯, 喱個飯真係俾到我同 P san 驚喜, 光係聞就已經有好重嘅藥材味, 湯頭藥材味濃而不俗, 而肉方面係用香港嘅排骨, 肉質好腍, 而且有湯嘅藥材味, 但一啲都唔鞋亦唔韌, 完全唔似煲咗好耐咁, 雖然全部都係肉, 但配埋少量涼拌青瓜, 感覺好清爽, 不過份量唔算大。除咗以上兩款飯, 我哋仲同友人們叫咗兩個小食, 一個係台式鹽水雞, 另一款係台式炸物併盤。 鹽水雞雖然係冷盤,

這間新開張不久的台式食品餐廳很不錯，佈置是學校的模式雖然在觀塘工業大廈內，但一走進去格調很好，很大。我跟朋友坐下，發覺店內全都是小學生用的桌椅，充滿新奇的感覺，但坐下發覺比較窄，而且都是跟其他人搭枱。所以私人空間比較少。 我們要先走到櫃台點餐及付款，之後等了幾分鐘先拿餐，飲品方面來得比較慢，至少要等十分鐘，大概因為沖飲品的是台灣小妹，節奏都很慢，這餐廳服務員全是操台灣口音，斯文有禮。用餐工具很獨特，特別筷子另一端是鉛筆造型的，配合了餐廳主題。我點了一個韓式芝士牛肉烏龍麵，黑糖奶茶，豹(朱古力香蕉蛋糕)，泡菜湯底spicy。奶茶好香滑，要顧客自行把兩者混和，相信女仔會覺得好特別。我朋友吃了三杯雞飯。食物味道不錯，它雖然是台式風格食物為主，但也不乏星加坡海南雞飯和韓國風格的食物。值得推介 ! !