炊公館

营业中

休息中

又一次估唔到，之前上open rice睇左呢間餐廳，睇左食評同坐位是否舒適，就決定訂呢。6:00鐘侍應帶位，一到坐位已經比個景吸引住，我冇特別request window seat,卻有 window seat,睇過 menu,揀左西式，以呢個價錢呢個景觀我個人認為值，期間仲有幻彩泳香江,我個人比較喜歡豬鞍扒，因為熟啲程度剛好，唔會好「孩」，最可惜唔自己可以飲酒，如果唔係就更加完美，仲有happy hour,都幾抵

之前同朋友去過呢間餐廳嘅銅鑼灣分店，畀果度既無敵靚景完全迷住，今日再同朋友飯聚，我建議再去，朋友先話我知原來尖咀都有分店，食完仲方便大家返屋企，所以今次就試下尖咀店既水準啦~一坐低侍應同我地介紹有個新餐，見到有5個course，做緊65折優惠，原價每人$520，而家$338，聽落又幾抵喎，無理由唔試下丫~落好order就四圍望望欣賞下呢度個維港靚view，原來都非常之吸引，一啲都唔比銅鑼灣果邊輸蝕，喺咁既環境歎下好野、傾下閒計，超級relax~呢個set既份量相當豐富，首先有凱撒沙律、松露野菌湯同卡邦尼意粉，我諗食量少啲既女仔食到呢part已經飽左，哈哈 (當然本小姐係例外)~卡邦尼意粉口感好rich，味道夠香，相當有水準~主菜3揀1，有烤澳洲牛柳、厚切加拿大天然穀飼豬鞍扒同烤波士頓龍蝦，款款都咁吸引，我諗有選擇困難症既人真係唔知點算好！好在我係海鮮控，所以毫無疑問揀龍蝦~蝦肉食得出好新鮮，又夠彈牙，味道令人好回味，可唔可以食多幾隻呀？最後甜品就係芝士蛋糕同朱古力蛋糕之爭，今晚想食得重口味啲，所以揀左勁香濃既朱古力蛋糕~入口幼滑，完全大滿足!!!!!

友人同我慶祝生日，佢之前已要求坐窗邊不負所望，風景好靚我地每人各叫一個set dinner另外叫左set 生蠔（6隻）同加一支白酒服務生對白酒認識爭d因為叫一set生蠔可以加錢有一支白酒有三款白酒俾我地揀，我地問三支酒味道有咩分別服務生支吾以對，唔太講得出分別。我地最尾加左最平果支白酒，都啱我地口味我地既set dinner 有凱撒沙律、黑松露野菌湯、卡邦尼意粉、牛柳/豬扒/半隻龍蝦(3選1)、芝士蛋糕或朱古力蛋糕凱撒沙律、卡邦尼意粉普通黑松露雜菌湯、牛柳、豬扒好味我覺得豬扒好味過牛柳咬落去較爽口，我幾鍾意呢種口感芝士蛋糕普通朱古力蛋糕味道夠濃，但友人覺得朱古力蛋糕有d硬我地都覺得呢間餐廳環境幾好，食物不錯之餘又有靚景，會再幫襯