安利魚蛋粉麵

营业中

休息中

呢間真係由細細個食到大，細個重係無冷氣係後巷果時爸B已經帶我地去食～而家再去食⋯⋯都仍然保留住果個味道！我最愛切腩片頭豉油撈粗，麵同豉油撈得岩岩好，唔會太咸，切腩煮得有咬口得黎唔會咬極唔斷，魚片頭就唔洗講啦⋯招牌黎嫁嘛～梗係有濃濃既魚味啦～重有撈粗必配既湯（其實我堅唔知碗湯叫咩，就算去其他地方食撈麵，都會俾碗有蔥既湯你）但安利呢碗湯，飲左咁多年都係咁好飲～其他地方通常因爲碗麵太乾我先落小小，但安利呢碗係會想飲晒佢！好鮮甜！魚蛋都好好食，好重魚味，係白色既魚蛋，唔會彈牙到好得人驚⋯另外重有一款邪惡既食物「鮮油奶多」係有一層牛油係中間再加煉奶～多士好脆，牛油同煉奶咸咸甜甜咁～好夾好好食～基本上而家每次去都會叫一份食，因為老實講而家碗麵係細碗左⋯可能我大食啦，一碗係唔飽既，所以加埋個多士就岩岩好！不過我一家人去食就要叫兩碟多士喇～因爲一碟得兩件😂會爭崩頭～同埋佢既茶走都好好飲，唔會太甜～唔知點解次次去到就會叫茶走飲～😂其實重有炸魚皮，但星期日先有，限量發售！所以我已經好耐無食過喇可能真係要搵日早d去買！同埋去安利食野，會有機會見到明星，我當日就巧遇阿葛 葛文輝～🤣🤣但我係無影相既～總括黎講，

平時食開北角個間撈粗 知道筲箕灣都有撈粗雖然煮法同用既麵都好唔同不過都好想去試下! ＝）個片頭好普通 D切腩好鞋同埋個豉油撈粗好咸 ＞＜真係幾失望呢個比較好味 因為有D湯唔會太咸總括黎講真係好普通 冇食評果D講到咁好食啦！ ＞＜